08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Հայաստանում արգելափակված է ռուսական մի շարք յութուբյան ալիքների հասանելիությունը
Քաղաքականություն
14.03.2022 | 10:52
Այսօր առավոտից հայաստանցի օգտատերերի համար Youtube-ում անհասանելի են ռուսական մի շարք ալիքներ։ Այս պահին հնարավոր չէ տեսանյութեր դիտել Russia Today, Россия 24, ОРТ, Спутник Армения և մի շարք այլ յութուբյան ալիքներում։
Դեռևս մարտի 11-ին YouTube-ը հայտարարել էր, որ արգելափակում է ռուսական պետական լրատվամիջոցների ալիքների հասանելիությունն ամբողջ աշխարհում։ Ըստ հայտարարության՝ այդ ալիքների բովանդակությունը հակասում է իրենց քաղաքականությանը․
«Մեր հարթակի սկզբունքներն արգելում են բովանդակությունը, որը բացառում է, խիստ նվազեցնում կամ ոչ լիարժեք է ներկայացնում փաստաթղթերով հիմնավորված բռնության դեպքերը, և մենք հեռացնում ենք Ուկրաինայում Ռուսաստանի ներխուժման մասին կոնտենտը, որը խախտում է մեր քաղաքականությունը»,-ասել է ներկայացուցիչ Ֆարշադ Շադլոն:
