16.01.2025 | 16:00
Էջեր են կոտրում, ի՞նչ է անում ոստիկանությունը. Արփինե Սարգսյանի պարզաբանումը․ ՏԵՍԱՆՅՈՒԹ
Խուճապի հիմք չկա. Հայաստանը գնել է 2021-2022 թթ. համար անհրաժեշտ ցորենի պաշարը. Բաբկեն Թունյան․ ՏԵՍԱՆՅՈՒԹ
Տնտեսություն
11.03.2022 | 16:00
Ռուսաստանից մինչև օգոստոս ամիս ցորենի արտահանման արգելք է գործելու: Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր» խմբակցության պատգամավոր Բաբկեն Թունյանը հավաստիացրեց, որ իր ունեցած տեղեկության համաձայն՝ այդ արգելքը Հայաստանի վրա որևէ ազդեցություն չպետք է ունենա:
Պատգամավորը հավելեց, որ ոչ միայն Հայաստանը, այլ նաև ԵԱՏՄ անդամ մյուս երկրներն արդեն գնել են 2021-2022թթ. համար անհրաժեշտ ցորենի պաշարները:
«Ըստ անհրաժեշտության, եթե հավելյալ կարիք լինի, կարող ենք նաև առանձին պայմանավորվածությունների հիման վրա լրացուցիչ քվոտաներ ստանալ: Ռուսաստանն իր պահանջարկի բավարարման առումով խնդիր չունի, մոտ 50 տոկոսով ավելի պաշար ունի»,- նշեց Բաբկեն Թունյանը՝ ընդգծելով, որ այդ առումով օբյեկտիվ հիմքեր չկան մեր բնակչության շրջանում խուճապի համար:
Մանրամասները՝ տեսանյութում:
