19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
ՌԴ-ն, հնարավոր է, արգելի հացահատիկի արտահանումը ԵՏՄ երկրներ․ Ինտերֆաքս
Քաղաքականություն
10.03.2022 | 22:27
Ռուսաստանի Դաշնությունը 2022 թվականի մարտի 15-ից օգոստոսի 31-ը կարող է արգելել հացահատիկի արտահանումը ԵՏՄ երկրներ և շաքարավազի արտահանումը Միությունից դուրս այլ երկրներ։ Այս մասին հայտնում է «Ինտերֆաքս»-ը՝ հղում կատարելով գյուղատնտեսական շուկայի իր աղբյուրին։
Նշվում է, որ աղբյուրը ծանոթ է համապատասխան նյութերին, այս հարցը քննարկվել է հինգշաբթի մաքսային և ոչ սակագնային կարգավորման ենթահանձնաժողովի նիստում։ Համապատասխան առաջարկություններն արվել են Գյուղատնտեսության նախարարության կողմից։
Աղբյուրը մանրամասնում է, որ ԵՏՄ երկրներ հացահատիկի արտահանման ժամանակավոր արգելքը վերաբերում է ցորենին, տարեկանին, գարուն և եգիպտացորենին։ Այնուամենայնիվ, մատակարարումները հնարավոր կլինեն արտահանման լիցենզիաների համաձայն, որոնք տրված են Ռուսաստանի Դաշնության Արդյունաբերության և առևտրի նախարարության կողմից:
Հացահատիկի արտահանումը ԵՏՄ երկրներ արգելելու առաջարկը հիմնավորվում է նրանով, որ Միության երկրներն արդեն իսկ ձեռք են բերել բավարար ծավալներ իրենց ներքին շուկայի համար։ Ուստի նման արգելքը գործնականում բացառում է ռուսական հացահատիկի հոսքը ԵՏՄ-ից դուրս այլ երկրներ։
Շաքարավազի արգելքը վերաբերում է ինչպես շաքարավազի, այնպես էլ հումքի՝ երրորդ երկրներ արտահանմանը։ Արտահանումը ԵՏՄ հնարավոր կլինի Գյուղատնտեսության նախարարության կողմից տրված թույլտվությունների դեպքում։
Բացի այդ, հանդիպմանը քննարկվել է որոշակի պարենային ապրանքների, այդ թվում՝ բանջարեղենի (կարտոֆիլ, սոխ, կաղամբ, գազար), կակաոյի, մրգային խյուսի, կրծքի կաթի փոխարինիչների արտադրության հումքի, ինչպես նաև պատրաստի սննդի ներմուծման մաքսատուրքերը ժամանակավորապես զրոյացնելու հնարավորությունը։
