18.08.2026 | 14:57
Անձնական տվյալների պաշտպանության գործակալությունը հորդորում է չտարածել Երևանում հայտնաբերված նորածնի դեմքը
Ադրբեջանը փորձում է Արցախը զրկել աշխարհի հետ կապից՝ օգտվելով ՌԴ-ի այսօրվա վիճակից. Թագուհի Թովմասյան․ ՏԵՍԱՆՅՈՒԹ
Քաղաքականություն
10.03.2022 | 16:56
«Հակառակորդի կողմից ակնհայտ սադրիչ գործողությունները և ահաբեկչական գործողությունները Հայաստանի և Արցախի նկատմամբ սկսել են ռուս-ուկրաինական պատերազմին զուգահեռ: Վերջին օրերին մասշտաբները փոխվեցին, հայկական կողմը, ցավոք, ունի զոհ և վիրավորներ, ինչը նշանակում է, որ Հայաստանի սուվերեն տարածքի նկատմամբ ոտնձգություն է իրականացվել»,- այս մասին Factor.am-ի հետ զրույցում նշեց «Պատիվ ունեմ» խմբակցության պատգամավոր Թագուհի Թովմասյանը:
«44-օրյա պատերազմից հետո Արցախում խաղաղության երաշխավորը ռուս խաղաղապահներն էին: Այժմ քանի դեռ աշխարհում Ռուսաստանի նկատմամբ իրականացվում են տարաբնույթ ճնշումներ, Ադրբեջանի կողմից փորձ է արվում նվազեցնել Ռուսաստանի խաղաղապահ առաքելության դերը»,- նշեց Թովմասյանը:
«Արցախն արդեն մի քանի օր է զրկվել է գազամատակարարումից, ադրբեջանցիներն աընդհատ խոչընդոտում են գազատարի վերականգնումը: Ադրբեջանը փորձում է Արցախը զրկել աշխարհի հետ կապից»,- նշեց պատգամավորը՝ հավելելով, որ միջազգային գործընկերների ուշադրությունն է հրավիրել Արցախի իրավունքների վերականգնման հարցի վրա, դեռևս արձագանք չկա:
Մանրամասները՝ տեսանյութում:
