28.06.2026 | 20:50
Ցավով տեղեկացա բժիշկ Գագիկ Ստամբուլցյանի մահվան մասին. Ավանեսյան
Հայաստանի և Ադրբեջանի ԱԳ նախարարների հանդիպում Անթալիայում կլինի՞․ մեկնաբանություն ԱԳՆ-ից
Քաղաքականություն
09.03.2022 | 17:28
ՀՀ ԱԳ նախարարի այցերի մանրամասների վերաբերյալ մենք պատշաճ ժամկետներում հանրությանը տեղյակ ենք պահում։ Factor.am-ի հարցին՝ արդյո՞ք Անթալիայի դիվանագիտական ֆորումին նախատեսված է Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպումը, այսպես արձագանքեց ՀՀ ԱԳ նախարարի խոսնակ Վահան Հունանյանը։
Նշենք, որ Անթալիայի դիվանագիտական ֆորումն անցկացվելու է մարտի 11-13-ը։ Ըստ պաշտոնական կայքի հաղորդագրության՝ ֆորումին ներկա կգտնվեն ավելի քան 2000 առաջնորդներ, դիվանագետներ, տարբեր ոլորտների ներկայացուցիչներ։ Մասնակիցների թվում են նաև Ադրբեջանի նախագահի արտաքին հարաբերությունների բաժնի ղեկավար Հիքմեթ Հաջիևը, Ադրբեջանի արտգործնախարար Ջեյհուն Բայրամովը, Իրանի արտգործնախարար Հոսեին Ամիր Աբդոլլահիանը, ՆԱՏՕ-ի գլխավոր քարտուղար Յենս Ստոլտենբերգը, ԵԱՀԿ գործող նախագահի անձնական ներկայացուցիչ Անջեյ Կասպրշիկը, Եվրոպական հանձնաժողովի հարևանության և ընդլայնման քաղաքականության հարցերի հանձնակատար Օլիվեր Վարհեին, ԵԱՀԿ Մինսկի խմբի ամերիկացի նախկին համանախագահ Մեթյու Բրայզան և այլք։
Ֆորումին Արարատ Միրզոյանի մասնակցությունը նախարարի խոսնակը հաստատել էր մարտի 7-ին։
Հռիփսիմե Հովհաննիսյան
