18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Խաղաղության մասին ՀՀ-ի և Ադրբեջանի պատկերացումները համարժեք են. Անդրանիկ Քոչարյան․ ՏԵՍԱՆՅՈՒԹ
Քաղաքականություն
09.03.2022 | 13:19
«Հրադադարի պահմպանման պատասխանատուն, երաշխավորը Ռուսաստանն է, որը զբաղված է այլ անհանգիստ վայրում, հակառակորդը, գուցե հենց դրանից օգտվելով, դժվարություններ է փորձում առաջացնել արցախյան հատվածում»,- այս մասին ԱԺ-ում լրագրողների հետ ճեպազրույցում ասաց «Քաղաքացիական պայմանագիր» խմբակցության պատգամավոր, ԱԺ Պաշտպանության և անվտանգային հարցերի մշտական հանձնաժողովի նախագահ ԱՆդրանիկ Քոչարյանը՝ հավելելով, որ արձանագրված փաստ է, որ գազատարը վնասված է:
Նշենք, որ Արցախի` Շուշի-Զառիֆլու բնակավայրերի տարածքում տեղի ունեցած վթարի հետևանքով Արցախի տարածքում գազամատակարարումը խափանվել է։ Իսկ ադրբեջանական կողմը խոչընդոտում է գազատարի վերանորոգման աշխատանքներն սկսելուն։
«Ամենայն հավանականությամբ երկխոսությամբ խնդիրները կստանան իրենց լուծումները»,-հույս հայտնեց Քոչարյանը՝ հավելելով, որ իրենք գնում են խաղաղության, և տեղի ունեցողը չի հակասում այդ տրամաբանությանը:
Անդրանիկ Քոչարյանի դիտարկմամբ՝ խաղաղության մասին ՀՀ-ի և Ադրբեջանի պատկերացումները համարժեք են:
Մանրամասները՝ տեսանյութում:
