28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
Թուրքիայի ԱԳՆ-ն ողջունում է Երևանի՝ Անթալիայի դիվանագիտական ֆորումին մասնակցելու որոշումը
Քաղաքականություն
08.03.2022 | 15:22
Անկարան ողջունում է Երևանի հայտարարությունը, որ ՀՀ ԱԳ նախարար Արարատ Միրզոյանը մասնակցելու է մարտի 11-13-ը Անթալիայում կայանալիք դիվանագիտական ֆորումին։ Այս մասին ասվում է Թուրքիայի ԱԳՆ մամուլի քարտուղար Թանջու Բիլգիչի հայտարարության մեջ, գրում է «Անադոլու» գործակալությունը։
«Նման բնույթի փոխադարձ քայլերը նպաստում են երկրների միջև երկխոսության ընդլայնմանը և վստահության ամրապնդման միջոցառումների շուրջ համաձայնությանը՝ հարաբերությունների լիարժեք կարգավորմանն ուղղված ջանքերին համապատասխան»,- ասվում է հաղորդագրության մեջ։
Հիշեցնենք՝ նախօրեին ՀՀ ԱԳՆ խոսնակ Վահան Հունանյանը հայտնել էր, որ Արարատ Միրզոյանը մասնակցելու է Անթալիայի դիվանագիտական ֆորումին։
Էմմա Չոբանյան
