10.09.2026 | 19:43
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
Հակառակորդի «սնայպերն» է աշխատել, երկու հոգու խփել է, մեկը զոհվել է. Մելքոնյանը՝ Երասխի դեպքի մասին․ ՏԵՍԱՆՅՈՒԹ
Քաղաքականություն
07.03.2022 | 17:32
Պաշտպանության նախարարությունը հաստատել է լուրն այն մասին, որ հակառակորդի կրակոցից ժամկետային զինծառայող է զոհվել, կա նաև վիրավոր: Ինչո՞վ է պայմանավորված հայ զինծառայողների նկատմամբ հերթական այս սադրանքը: Factor.am-ի հետ թեմայի շուրջ զրույցում անդրադառնալով այս հարցին՝ «Քաղաքացիական պայմանագիր» խմբակցության պատգամավոր, պաշպանության նախկին փոխնախարար Գագիկ Մելքոնյանը նշեց. «Պետք է հասկանանք, որ աշխարհը խառնված է իրար, ռուս-ուկրաինական պատերազմը ցնցել է ամբողջ աշխարհը, և ամեն մեկն էլ կուզենա այս առիթից օգտվել, այդ թվում նաև մեր հակառակորդները: Արդեն շուտվանից սկսել են այն թեզն առաջ տանել, թե հայկական կողմից կրակոցներ կան, հայերն ուզում են հարձակվել իրենց վրա: Փորձում են աշխարհին ցույց տալ, թե իրենք խաղաղության են ձգտում, իսկ հայերը պատերազմ են ուզում: Պատահական չէ, որ բոլոր սահմանամերձ շրջաններում զգուշացվել է, որ սադրանքների չգնան:
Մեր զինծառայողները թիկունքում հողային աշխատանքներ իրականացնելիս են եղել, երկուսին էլ սնայպերն է խփել, մեկը զոհվել է, մյուսը վիրավոր է:
Նրանք շարունակելու են սադրանքները, որ ինչ-որ բան սկսեն, դրա համար մենք պետք է շատ զգույշ լինենք»:
Մանրամասները՝ տեսանյութում:
