28.06.2026 | 21:32
Փոխադարձ վիրավորանքներ՝ ՍԴ-ում․ «Դերասանական ձիրք չունեմ», «Ձեր մոտ կեղծարարական էլ ա ստացվում»․ ՏԵՍԱՆՅՈւԹ
ՊԵԿ-ի հետ պղնձի վաճառքի մեխանիզմը համաձայնեցված է եղել. Վահե Հակոբյանը` ԶՊՄԿ-ի 15 մլրդ չարաշահման մասին․ ՏԵՍԱՆՅՈՒԹ
Տնտեսություն
07.03.2022 | 11:54
«Ես այդ ժամանակ Սյունիքի մարզպետ եմ եղել։ Խոսքը 2017թ․-ի մասին է։ Բացի այդ, չեմ կարծում, որ 2014թ․-ից սկսած՝ կոմբինատում երբևէ գործել են կոռուպցիոն սխեմաներ»,-խորհրդարանում լրագրողների հետ ճեպազրույցում այսօր հայտարարեց «Հայաստան» դաշինքի պատգամավոր, Զանգեզուրի պղնձամոլիբդենային կոմբինատի խորհրդի նախկին անդամ Վահե Հակոբյանը։
Հիշեցնենք՝ ՊԵԿ նախագահ Ռուստամ Բադասյանն օրեր առաջ հայտարարել է․ «Զանգեզուրի պղնձամոլիբդենային կոմբինատ» ՓԲԸ-ում գործող կոռուպցիոն սխեման, որի հետևանքով պետությանը պատճառվել է առանձնապես խոշոր չափերի՝ 15 մլրդ 17 մլն 640 հազար 469 դրամի վնաս, իրականացվել է Մհեր Պոլոսկովի տնօրինության ժամանակահատվածում»։
«ՊԵԿ-ի հայտարարության հետ կապված ոչ էլ առանձնապես խորացել եմ թեմայի մեջ, բայց որքան հասկացա՝ խոսքը գնում է ստրիմինգային գործարքի մասին՝ այդ ժամանակ ՊԵԿ-ի հետ համաձայնեցված։ Լայն շրջանակները պետք է հասկանան, թե ինչ է ստրիմինգային գործարքը։ Այդ ժամանակ պայմանավորված պղնձի միջազգային գներով և կոմբինատի ունեցած վիճակով՝ պարտքերի բեռ, օպերատիվ ղեկավարության կողմից, որքանով որ ինձ հայտնի է, որոշում է կայացվել, այն անցել է խորհրդով։ Որոշվել է կնքել ստրիմինգային գործարք՝ պղնձի խտանյութը վաճառել X ընկերությանը՝ մի քանի տարի առաջ։ Այսինքն, գումարը սկզբից վերցնել ամբողջությամբ՝ երաշխիքով, որ, օրինակ, տասը տարում խտանյութը տրամադրվելու է»,-տեղեկացրեց Վահե Հակոբյանը։
Նրա խոսքով՝2019թ, երբ գներն արդեն կայունացել են, գործարքը «հետ ողորմյա» արվեց, բոլորը ստացան իրենց գումարները․ «Հիմա ՊԵԿ-ը համարել է, որ այդ գործարքի արդյունքում օպերատիվ ղեկավարությունը վնաս է տվել պետությանը 15 միլիարդի չափով։ Եթե տնօրենն է դա ընդունել, գուցե հարցը տնօրենի՞ն ուղղվի, ոչ թե ինձ»։
Մանրամասները՝ տեսանյութում:
