ԱՄՆ-ն «կանաչ լույս է վառել» Ուկրաինային կործանիչներ տրամադրելու համար

ԱՄՆ Պետքարտուղար Էնթոնի Բլինքենը հայտարարել է, որ ՆԱՏՕ-ի անդամներն իրավունք ունեն կործանիչներ ուղարկել Ուկրաինա, քանի որ ԱՄՆ-ն և դաշնակիցները շարունակում են իրենց ջանքերը՝ օգնելու Ուկրաինային պաշտպանվել Ռուսաստանի ներխուժումից: Այս մասին տեղեցնում է cbsnews-ը։

«ՆԱՏՕ-ի անդամ երկրները լույս են ստանում»,- ասել է Բլինքենը «Face the Nation»-ին տված հարցազրույցում՝ պատասխանելով այն հարցին, թե արդյոք ՆԱՏՕ-ի անդամ Լեհաստանի կառավարությունը կարող է կործանիչներ ուղարկել Ուկրաինա։

Բլինքենը նշել է, որ ԱՄՆ-ն աշխատում է Լեհաստանի հետ պայմանավորվածության վրա՝ Ռուսաստանի ներխուժման ֆոնին Ուկրաինային ինքնաթիռներ մատակարարելու վերաբերյալ:

«Մենք այժմ դիտարկում ենք կործանիչների հարցը, որոնք Լեհաստանը կարող է տրամադրել Ուկրաինային և քննարկում ենք, թե ինչ կարող ենք անել նրանց կարիքները բավարարելու համար, եթե իրականում նրանք որոշեն տրամադրել այդ կործանիչներն ուկրաինացիներին: Ի՞նչ կարող ենք անել, ինչպե՞ս կարող ենք օգնել, որպեսզի նրանք լիցքավորեն այն ինքնաթիռները, որոնք մատակարարում են ուկրաինացիներին», – ասել է Բլինքենը լրագրողներին կիրակի օրը Մոլդովա կատարած այցի ժամանակ:

«Ես չեմ կարող խոսել ժամանակացույցի մասին, կարող եմ պարզապես ասել, որ մենք շատ ակտիվ աշխատում ենք դրա շուրջ»,- նշել է ԱՄՆ պետքարտուղարը:

Հիշեցնենք, որ այսօր Ուկրաինայի նախագահը եւս մեկ անգամ կոչ է արել ՆԱՏՕ-ի երկրներին փակել ուկրաինական երկինքը։

Շաբաթ օրը Զելենսկին մասնակցել է ԱՄՆ օրենսդիրների հետ Zoom հանդիպմանը, որի ընթացքում նա հորդորել է իր երկրին տրամադրել ռազմական ինքնաթիռներ և էմբարգո սահմանել ռուսական նավթի վրա։ Ուկրաինայի նախագահը նաև ասել է, որ դա կարող է լինել վերջին անգամը, երբ իրեն ողջ են տեսնում։