29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Պուտինն ու Մակրոնը հեռախոսազրույց են ունեցել
Քաղաքականություն
06.03.2022 | 19:18
Ֆրանսիայի նախագահ Էմանուել Մակրոնն ու Ռուսաստան նախագահ Վլադիմիր Պուտինը 1 ժամ 45 րոպե տևողությամբ հեռախոսազրույցը են ունեցել։ Այս մասին տեղեկացնում է Կրեմլի պաշտոնական կայը։
Ըստ հաղորդագրության՝ Պուտինը քարոզչական արշավի տարր է անվանել Զապորոժիեի ատոմակայանի միջադեպի պատասխանատվությունը ՌԴ –ի վրա դնելը։ Պուտինն ընդգծել է, որ ՌԴ ԶՈւ-ն և պահպանության ուկրաինական ստորաբաժանումը շարունակում են ապահովել ատոմակայանի գործունեությունը։
Պուտինը Մակրոնին տեղեկացրել է ռուս-ուկրաինական բանակցությունների ներկա իրավիճակի մասին և պատրաստակամություն հայտնել շարունակելու երկխոսությունը։ Նա նաև ընդգծել է, որ Կիևը նախկինի պես չի կատարում մարտական գործողությունների վայրերից խաղաղ բնակչության տարհանման վերաբերյալ ձեռք բերված պայմանավորվածությունները։
Ֆրանսիայի նախագահի հետ զրույցում Ռուսաստանի նախագահը նշել է, որ դեմ չէ ՄԱԳԱՏԷ-Ռուսաստան-Ուկրաինա ձևաչափով հանդիպմանը, բայց ոչ Չեռնոբիլում։ Պուտինը կողմ է, որ այն անցկացվի տեսակոնֆերանսի ձևաչափով կամ երրորդ երկրում։
Նա առաջարկել է Մակրոնին ակտիվորեն աշխատել Կիևի իշխանությունների հետ՝ նրանց կողմից միջազգային մարդասիրական իրավունքի նորմերի պահպանումն ապահովելու համար։
