12.12.2024 | 15:32
ԼՂ-ից բռնի տեղահանված ՄԿՈւ հաստատությունների սովորողներն ուսման վարձի փոխհատուցում կստանան
«Ազատություն» ռադիոկայանը փակում է իր գրասենյակը Ռուսաստանում
Քաղաքականություն
06.03.2022 | 11:46
«Ազատ Եվրոպա/Ազատություն» ռադիոկայանը փակում է իր գրասենյակը Ռուսաստանում։ Այս մասին տեղեկանում ենք ռադիոկայանի ռուսալեզու ծառայության կայքից։
Կայքը գրում է, որ մարտի 4-ին ՌԴ դաշնային հարկային ծառայությունը դիմել է Մոսկվայի վերաքննիչ դատարան՝ Ռուսաստանում վերոնշյալ մեդիա կորպորացիայի շահերը ներկայացնող RSE/RS ՍՊԸ-ի հարկադիր սնանկացման պահանջով։
«Վերջին տարիներին լրագրողների վրա ճնշումները զգալիորեն աճել են։ Այս գործողությունները դարձան «Ազատություն» ռադիոկայանի և «Ազատություն» ռադիոկայանի ռուսալեզու այլ նախագծերի խոչընդոտման՝ տարիներ շարունակվող արշավի գագաթնակետը»,-ասվում է մեդիա կորպորացիայի տարածած հաղորդագրության մեջ։
Հիշեցնենք՝ «Ազատություն» ռադիոկայանի գրասենյակը Մոսկվայում բացվել է 1991 թվականին։
