21.08.2026 | 19:33
Արմեն Գրիգորյանն անգործ չի մնացել. Թագուհի Ղազարյան. ՏԵՍԱՆՅՈՒԹ
Ջո Բայդենը ողջունել է ՄԱԿ-ում ՌԴ-ին դատապարտող բանաձևի ընդունումը
Քաղաքականություն
04.03.2022 | 22:37
ԱՄՆ նախագահ Ջո Բայդենը ողջունել է ՄԱԿ-ի Գլխավոր ասամբլեայում ներկայացված բանաձևի քվեարկության արդյունքները, որոնք դատապարտել են Ուկրաինայի դեմ Ռուսաստանի ագրեսիան։
«ՄԱԿ-ի այս արտասովոր քայլը ցույց է տալիս գլոբալ վրդովմունքի չափը ինքնիշխան հարևանի վրա Ռուսաստանի սարսափելի հարձակման կապակցությամբ և ցույց է տալիս աննախադեպ համաշխարհային միասնություն», –«Ամերիկայի ձայն»-ի փոխանցմամբ՝ ասվում է Բայդենի հայտարարության մեջ:
«Այսօրվա քվեարկությունը ցույց տվեց Պուտինի մեկուսացումը»,- շարունակել է նա։
Ըստ Բայդենի՝ Ռուսաստանի նախագահ Վլադիմիր Պուտինը հարձակվել է ոչ միայն Ուկրաինայի, այլև համաշխարհային խաղաղության և անվտանգության հիմքերի վրա, ինչպես նաև այն ամենի վրա, ինչը պաշտպանում է ՄԱԿ-ը։
«Մենք մեր աչքերով տեսնում ենք, թե ինչ է կատարվում Ուկրաինայում»,- շարունակել է ԱՄՆ նախագահը։ «Ռուսաստանը պատասխանատու է Ուկրաինայում մարդու իրավունքների կործանարար խախտումների և միջազգային հումանիտար ճգնաժամի համար, որին մենք հետևում ենք իրական ժամանակում»։
«Միասին մենք պետք է Ռուսաստանին պատասխանատվության ենթարկենք իր գործողությունների համար», – եզրափակել է Բայդենը՝ անդրադառնալով ՄԱԿ-ին։ «Մենք ցույց կտանք, որ ազատությունը միշտ հաղթում է բռնակալությանը»,- ասել է ԱՄՆ նախագահը:
