21.12.2025 | 13:04
24-ժամյա վթարային ջրանջատում Երևանում և Կոտայքում
Փախուստ պատժամիջոցներից․ ի՞նչն է ՀՀ բերում Ռուսաստանի քաղաքացիներին. ՏԵՍԱՆՅՈւԹ
Քաղաքականություն
04.03.2022 | 22:25
Ռուս-ուկրաինական պատերազմի հետևանքով վերջին օրերին մեծ թվով Ռուսաստանի քաղաքացիներ Հայաստան են ժամանում։ Միայն այսօր՝ մարտի 4-ին, Ռուսաստանից 41 չվերթ է ժամանել Հայաստան։ Factor TV-ն այսօր շրջել է քաղաքում ու զրուցել ժամանած քաղաքացիների հետ։
Ռուսաստանցիները հիմնականում նշում էին, որ երկրից դուրս գալու պատճառը ոչ այնքան պատերազմն է, որքան դրա հետևանքով կիրառվող պատժամիջոցները։
«Մենք դեռ չգիտենք մեր առաջիկա ծրագրերը։ Առայժմ Երևանում ենք, ավելի շատ աշխատանքի համար եմ դուրս եկել Ռուսաստանից։ Արդեն իսկ շատ խնդիրներ կան ծրագրավորողների համար, ծրագրերը չեն աշխատում։ Վախենամ՝ ապագայում ավելի մեծ խնդիրներ կլինեն», – ասաց զրուցակիցներից մեկը։
Մեկ ալ քաղաքացի էլ նշեց, որ պատժամիջոցների հետևանքներն արդեն տեսանելի են․
«Մոսկվայում, իհարկե, անվտանգ է, բայց տարբեր խնդիրներ են առաջանում ինտերնետ պրովայդերները չեն աշխատում, քարտերն են սկսում չաշխատել, արդեն իսկ գնաճ է նկատվում, ընկերություններ են փակվում, և սա միայն սկիզբն է։ Պատժամիջոցների հետևանքները առաջիկայում ավելի նկատելի կլինեն», – ասաց նա։
Մանրամասները՝ տեսանյութում։
Սաթենիկ Հայրապետյան
