16.09.2026 | 18:34
Հայաստանի Մ-17 հավաքականը պարտվել է Լիբանանին
Բրյուսելը ստացել է ԵՄ-ին անդամակցելու Վրաստանի պաշտոնական դիմումը
Քաղաքականություն
04.03.2022 | 22:17
Այս գիշեր ԵՄ-ում Վրաստանի պատվիրակության ղեկավար Վախթանգ Մախարոբլիշվիլին Ֆրանսիայի դեսպան Ֆիլիպ Լեգլիս-Կոստային է փոխանցել Եվրամիությանը երկրի անդամակցության պաշտոնական դիմումը։
Վրաստանի անունից հեռուստատեսային տեսախցիկների առջև հայտարարությունը ստորագրել է վարչապետ Իրակլի Ղարիբաշվիլին, ով, սահմանադրության համաձայն, լիակատար իշխանություն ունի խորհրդարանական հանրապետությունում, գրում է VOA-ն։
Վրաստանի ղեկավար Սալոմե Զուրաբիշվիլին այս պահին գտնվում է Եվրոպայում։ Եվրոպական խորհրդի նախագահ Շառլ Միշելի հետ հանդիպման ժամանակ նա ԵՄ ղեկավարին խնդրել է արագացված կարգով դիտարկել Վրաստանի, Ուկրաինայի և Մոլդովայի համապատասխան հայտարարությունները։
Ստորագրելով հայտարարությունը՝ վարչապետ Ղարիբաշվիլին այն օրը, երբ Վրաստանը պաշտոնապես հայտարարեց ԵՄ-ի լիիրավ անդամ դառնալու ցանկության մասին, անվանեց «պատմական», իսկ Բրյուսել ուղարկված փաստաթուղթը՝ «գործողությունների ծրագիր» Վրաստանի ցանկացած կառավարության համար։
ԵՄ-ին անդամակցելու հայտին աջակցել են երկրի բոլոր նշանակալի քաղաքական ուժերը և հայտնի քաղաքական գործիչները։ Այդ թվում՝ նախկին նախագահ Միխեիլ Սաակաշվիլին, ով պատիժ է կրում Ռուսթավիի բանտում։
Տաթև Ֆռանգյան
