13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
ԱՄՆ-ը նոր պատժամիջոցներ է սահմանել Պեսկովի, գործարարներ Ռոտենբերգների, Ուսմանովի, ռուսական էլիտայի այլ անդամների նկատմամբ
Քաղաքականություն
04.03.2022 | 17:24
Սպիտակ տունը նախօրեին հայտարարել է ՌԴ-ի դեմ նոր պատժամիջոցերի սահմանման մասին, գրում է swissinfo.ch-ն։ Հաղորդվում է, որ ԱՄՆ-ն ամբողջությամբ արգելափակող պատժամիջոցներ է սահմանել ՌԴ նախագահի խոսնակ Դմիտրի Պեսկովի, ռուս գործարարներ Եվգենի Պրիգոժինի, Բորիս և Արկադի Ռոտենբերգների և Ալիշեր Ուսմանովի նկատմամբ։
Անձանց ցուցակում, որոնց վրա տարածվում են ամերիկյան պատժամիջոցները, ներառված է նաև «Ռոստեխ»-ի ղեկավար Սերգեյ Չեմեզովը, ՎԷԲ․ՌՖ-ի ղեկվար Իգոր Շուվալովը, «Տրանսնեֆտի» նախագահ Նիկոլայ Տոկարևը։ Պատժամիջոցները կիրառվում են նաև նրանց ընտանիքի անդամների նկատմամբ։
«ԱՄՆ-ն ու իշխանություններն ամբողջ աշխարհում աշխատելու են բացահայտել և սառեցնել ռուսական էլիտայի անդամների և նրանց ընտանիքների ունեցվածքը», – ասվում է Սպիտակ տան հայտարարության մեջ:
Բացի այդ՝ ապատեղեկատվության համար ԱՄՆ-ն արգելափակող պատժամիջոցներ է սահմանում ռուսական 7 կազմակերպության և 26 անձանց նկատմամբ, որոնք տեղակայված են Ռուսաստանում կամ Ուկրաինայում ու այդ կառույցներում առաջատար դերակատարում ունեն։
Էմմա Չոբանյան
