16.09.2026 | 18:34
Հայաստանի Մ-17 հավաքականը պարտվել է Լիբանանին
Մոլդովան պաշտոնապես դիմել է Եվրամիությանը միանալու համար
Քաղաքականություն
04.03.2022 | 21:48
Մոլդովան պաշտոնապես դիմել է Եվրամիությանը միանալու համար՝ Ռուսաստանի կողմից Ուկրաինա ներխուժելուց մեկ շաբաթ անց, գրում է Euronews-ը։
«Այսօր մենք ստորագրում ենք Եվրամիությանը Մոլդովայի Հանրապետության միանալու դիմումը, այն ուղղված է Ֆրանսիայի նախագահ Էմանուել Մակրոնին, այն երկրին, որն այսօր նախագահում է Եվրամիության խորհուրդը։ Մենք առաջիկա օրերին Բրյուսելում կներկայացնենք դիմումը։ Մոլդովայի Հանրապետությունը պետք է հստակ եվրոպական ուղի ունենա: Մենք պատրաստ ենք հնարավոր ամեն ինչ անել՝ այս հիմնարար ազգային նպատակին հասնելու համար»,- ասված է երկրի նախագահ Մայա Սանդուի հայտարարության մեջ։
Սա տեղի է ունեցել 24 ժամ անց այն բանից հետո, երբ մեկ այլ նախկին խորհրդային երկիր՝ Վրաստանը, դիմել է 27 անդամներից բաղկացած դաշինքին միանալու համար:
Հիշեցնենք, որ Ուկրաինան դիմել է միությանն արագացված կարգով անդամակցելու համար, սակայն դեռևս կասկածներ կան՝ արդյո՞ք ԵՄ բոլոր երկրները կաջակցեն միության ընդլայնմանը:
Տաթև Ֆռանգյան
