29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ՌԴ-Ուկրաինա բանակցություններն ավարտվել են․ կողմերը համաձայնության են եկել հումանիտար հարցերի շուրջ
Քաղաքականություն
03.03.2022 | 21:54
Ավարտվել է Ռուսաստանի և Ուկրաինայի ներկայացուցիչների բանակցությունների երկրորդ փուլը, հաղորդում է Korrespondent-ը։
Բանակցությունների ընթացքում կողմերը փոխըմբռման են հասել հումանիտար միջանցքների տրամադրման և հնարավոր ժամանակավոր զինադադարի մասին, հայտնել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։
Նշվում է, որ Ռուսաստանը և Ուկրաինան շուտով կստեղծեն հաղորդակցության և փոխգործակցության ուղիներ՝ մարդասիրական միջանցքներ կազմակերպելու համար։
Միաժամանակ, Միխայիլ Պոդոլյակը նշել է, որ ուկրաինական պատվիրակությունը չի հասել ցանկալի արդյունքների, և բանակցությունները կշարունակվեն երրորդ փուլով՝ առավելագույն մոտ ապագայում։
«Ցավոք, մենք չստացանք այն արդյունքները, ինչ ակնկալում էինք: Միակ բանը, որ կարող եմ ասել, այն է, որ մենք բավական մանրամասն քննարկել ենք հումանիտար ասպեկտը, քանի որ այժմ բավականին շատ քաղաքներ շրջապատված են, ողբերգական իրավիճակ է սննդի, դեղորայքի, խաղաղ բնակիչների տարհանման հետ կապված», – ասել է Պոդոլյակը։
