18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
«Բայրաքթար»-ը Ուկրաինան գնել է մասնավոր ընկերությունից, դա թուրքական ռազմական օգնություն չէ. Թուրքիայի ԱԳ փոխնախարար
Քաղաքականություն
03.03.2022 | 21:25
Թուրքիայի «Բայրաքթար» անօդաչու թռչող սարքերի առաքումներն Ուկրաինա ոչ թե ռազմական օգնություն են, այլ ավելի շուտ մասնավոր վաճառք: Այս մասին հայտարարել է Թուրքիայի ԱԳՆ փոխնախարարը, գրում է Reuters-ը։
Կառավարամետ Sabah պարբերականի հետ զրույցում ԱԳ փոխնախարար Յավուզ Սելիմ Քիրանը նշել է, որ Կիևն անօդաչու թռչող սարքերը գնել է թուրքական մասնավոր պաշտպանական «Բայքար» ընկերությունից՝ ընդգծելով, որ դա համաձայնություն չէ երկրների միջև:
«Ուկրաինան ցանկացել է գնել այդ ապրանքը ընկերությունից և նրանց միջեւ գործարք է կնքվել։ Սա Թուրքիայից օգնություն չէ։ Դրանք ապրանքներ են, որոնք Ուկրաինան գնել է թուրքական ընկերությունից: Իհարկե, մենք հպարտանում ենք այդ ապրանքներով»,- հավելել է նա։
Հիշեցնենք, որ նախօրեին Ուկրաինայի ՊՆ ղեկավար Ալեքսեյ Ռեզնիկովը հայտարարել էր, որ Կիևը Բայրաքթար նոր անօդաչու թռչող սարքեր է ստացել, որոնք այժմ գտնվում են մարտակայն հերթապահության մեջ։
Էմմա Չոբանյան
