29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Էմանուել Մակրոնը մարտի 4-ին կհայտարարի Ֆրանսիայի նախագահական ընտրություններում իր մասնակցության մասին
Քաղաքականություն
03.03.2022 | 22:47
Ֆրանսիայի նախագահ Էմանուել Մակրոնը մարտի 4-ին կհայտարարի նախագահի պաշտոնում առաջադրվելու իր թեկնածությունը՝ երկրորդ ժամկետի համար։ Այս մասին հինգշաբթի հայտնել է France Info ռադիոկայանը։
Նախագահական ընտրությունները Ֆրանսիայում կանցկացվեն երկու փուլով՝ ապրիլի 10-ին և 24-ին։ Ուրբաթ օրը ավարտվել է թեկնածուների գրանցման գործընթացը։
Ֆրանսիայում նախագահական ընտրություններին մասնակցության հայտ է ներկայացրել շուրջ 40 թեկնածու։ Նրանց թվում են, մասնավորապես, լրագրող Էրիկ Զեմուրը (Reconquista շարժում), պատգամավոր Մարին Լը Պենը (Ազգային ասոցիացիա), Իլ դը Ֆրանս կենտրոնական շրջանի ղեկավար Վալերի Պեկրեսեն (Հանրապետականներ), Փարիզի քաղաքապետ Անն Իդալգոն (Սոցիալիստական կուսակցություն), խորհրդարանականներ Ժան-Լյուկ Մելենշոն («Անհնազանդ Ֆրանսիա»), Ֆաբիեն Ռուսել (Ֆրանսիայի կոմունիստական կուսակցություն) և այլոք։
Տաթև Ֆռանգյան
