15.07.2026 | 13:07
Ուկրաինական ԱԹՍ-ների հարձակումից հետո Կերչը մնացել է առանց էլեկտրաէներգիայի
ՀՀ-ի և Թուրքիայի բանագնացների 2-րդ հանդիպումը դրական եմ գնահատում, քննարկումն ավելի կոնկրետ է եղել․ Արարատ․ Միրզոյան․ՏԵՍԱՆՅՈՒԹ
Քաղաքականություն
02.03.2022 | 17:17
«Հայաստանի և Թուրքիայի ներկայացուցիչների միջև երկրորդ հանդիպումը գնահատում եմ դրական» խորհրդարանում կառավարության հետ հարցուպատասխանի ժամանակ այս մասին հայտարարեց ՀՀ ԱԳ նախարար Արարատ Միրզոյանը՝ անդրադառնալով հայ-թուրքական հարաբերությունների կարգավորման գործընթացի շրջանակում փետրվարի 24-ին Վիեննայում կայացած երկրորդ հանդիպման արդյունքների վերաբերյալ հարցին:
Միրզոյանի խոսքով՝ կողմերը վերահաստատել են, որ գործընթացը տեղի է ունենում առանց նախապայմանների, գործընթացի վերջնարդյունքը հարաբերությունների կարգավորումն է, մեզ համար նաև՝ հայ-թուրքական սահմանի բացումը։
«Շատ ավելի կոնկրետ է եղել քննարկումը, քան ենթադրաբար և արդարացիորեն կարող էր լինել առաջին հանդիպումը, բայց, միևնույն ժամանակ, կարծում եմ, որ բոլորս հասկանում ենք, որ շատ շոշափելի արդյունքներ նույնիսկ երկրորդ հանդիպման համար դժվար է ակնկալել»,- նշեց Միրզոյանը։
Ինչ վերաբերում է Անթալիայում կայանալիք դիվանագիտական համաժողովին մասնակցությանը, Միրզոյանի խոսքով՝ դեռևս որոշում չկա: «Աշխարհում շատ սրընթաց կերպով են իրադարձություննները զարգանում և փոփոխվում՝ ամեն օր, ամեն վայրկյան։ Նույնիսկ նախկինում կարճաժամկետ թվացող իրադարձություններն այժմ բավականին երկար են։ Երբ ժակետները մոտենան, անպայման որոշում կկայացնենք», – նշեց ԱԳՆ նախարարը։
Նախարարը նաև հայտնեց նաև, որ Հայաստանի և Թուրքիայի ներկայացուցիչների երրորդ հանդիպման տեղի և ժամանակի մասին նույնպես դեռևս որոշում չի կայացվել:
Մանրամասները՝ տեսանյութում:
