18.08.2026 | 16:56
Դնեպրոպետրովսկի մարզի 16 բնակավայրերից երեխաներով ընտանիքները հարկադիր տարհանվում են
Փաշինյանը ոչ ոքի չի լսում, նա ազդեցության տակ չի ընկնում. Խաչատուր Սուքիասյան․ ՏԵՍԱՆՅՈՒԹ
Քաղաքականություն
02.03.2022 | 16:07
«Հայաստանի վարչապետ Նիկոլ Փաշինյանը ոչ մեկին էլ չի լսում, նկատի ունեմ՝ ոչ մեկի ազդեցության տակ չի ընկնում»,- այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» կուսակցության պատգամավոր Խաչատուր Սուքիասյանը՝ անդրադառնալով իր պնդումներին, թե Նիկոլ Փաշինյանի վրա ազդեություն չի ունեցել նախագահի թեկնածու Վահագն Խաչատուրյանի առաջադրման հարցում:
Նրա խոսքով՝ Փաշինյանը ոչ մեկի ազդեցության տակ չի ընկնում, նա բոլորին լսում է, վերլուծում ու իր որոշումները կայացնում։ Պատգամավորը վստահ է, որ հազարավոր մարդիկ գիտեն այդ մասին։
«1990-ականներին նույնպես բազմաթիվ խոսակցություններ կային, որ առաջին նախագահ Լևոն Տեր-Պետրոսյանը Վանո Սիրադեղյանի մոտ է աշխատում։ Այսպիսի մտքերը խանգարում են պետության զարգացմանը։ Բոլորը գիտեն, որ Նիկոլ Փաշինյանը որևէ մեկի ազդեցության տակ չի ընկնում»,- նշեց Սուքիասյանը։
Նրա դիտարկմամբ՝ տասնյակ սխալներ են թույլ տրվում, նախկինում էլ եղել են միգուցե ավելի շատ կամ քիչ սխալներ. «Բայց հիմքն ուրիշ է: Այսօր Հայաստանի արժեքը ժողովրդավարության բարձր մակարդակն ու կոռուպցիայի ցածր մակարդակն է»:
Մանրամասները՝ տեսանյութում:
