14.01.2026 | 10:32
Ամենագնացներ ու հրշեջ-փրկարարական մեքենաներ են տրամադրվել ՓԾ տարածքային ստորաբաժանումներին․ ՏԵՍԱՆՅՈՒԹ
Նախագահը լինելու է կառավարության կցորդը. Սեյրան Օհանյան․ ՏԵՍԱՆՅՈՒԹ
Քաղաքականություն
02.03.2022 | 12:31
«ՀՀ նախագահը պետք է վերկուսակցական անձնավորություն լինի, իսկ այսօրվա նախագահի թեկնածուն կուսակցության անդամ է, և նրան ներկայացրել են ներկայիս կառավարության անդամները»,- լրագրողների հետ զրույցում անդրադառնալով ՀՀ նախագահի ընտրության գործընթացին՝ նշեց «Հայաստան» խմբակցության ղեկավարը Սեյրան Օհանյանը՝ հավելելով՝ կարող ենք ասել, որ կառավարության ղեկավարը կառավարության նիստում նշանակեց ՀՀ նախագահին:
Օհանյանի դիտարկմամբ՝ ՀՀ նախագահը պետք է լինի հավասարակշռող և համախմբող անձնավորություն և հիշեցրեց, որ Սահմանադրությամբ ՀՀ նախագահը հանրապետության գլուխն է:
«Հայաստան» խմբակցության ղեկավարը նշեց, որ նախագահի ընտրության գործընթացին ընդդիմության մասնակցությունը լեգիտիմացնելու էր ընտրությունը, իսկ հետագայում ընդդիմության մասնակցությունը միջազգային հարթակներում ներկայացվելու էր որպես ժողովրդավարության ձեռքբերում:
«Քաղաքական թիմի անդամ նախագահը չի կարող պահպանել անաչառություն… Ինչպես ԱԺ-ն է գործադիրի կցորդը, այնպես էլ ՀՀ նախագահն է լինելու կառավարության կցորդը»,- կարծիք հայտնեց Օհանյանը:
Մանրամասները՝ տեսանյութում:
