12.01.2025 | 19:12
Հայտնաբերվել է պատերազմում նահատակված Արմեն Գասպարյանի տնից գողություն կատարելու մեջ կասկածվող անձը
Նախագահը պետք է իշխանության տարբեր թևերի հետ ներդաշնակ աշխատի. Վահագն Խաչատուրյան․ ՏԵՍԱՆՅՈՒԹ
Քաղաքականություն
02.03.2022 | 11:56
«ՀՀ Սահմանադրությամբ ամրագրված է, որ հանրապետության նախագահը երկրի գլուխն է: Նախագահը նաև համայն հայության նախագահն է, ինչը լիազորություն չէ, այլ առաքելություն և չափազանց մեծ պատասխանատվություն»- այս մասին ԱԺ այսօրվա նիստում նախագահի թեկնածու Վահագն Խաչատուրյանի ընտրության հարցի քննարկման ժամանակ նշեց պատգամավոր Իշխան Զաքարյանը և հետաքրքրվեց, թե նախագահի թեկնածուն ինչ տեսլական ունի, որի միջոցով կարող է կարևոր երկխոսություն սկսել թե՛ հայաստանյան հասարակության, թե՛ աշխարհասփյուռ հայության հետ:
«Բոլորս պարտավոր ենք համայն հայության խնդիրները մեր խնդիրները դարձնել, այսինքն՝ մենք մեր ապագան տեսնում ենք միասին լինելով, ապագան պետք է կերտենք միասին և խնդիրները լուծենք միասին. այդտեղ նախագահի ինստիտուտն իր յուրահատուկ անելիքն ունի՝ իր լիազորությունների շրջանակում համագործակցելով կառավարության, Ազգային ժողովի հետ:
Չի կարող իշխանության թևերի մեջ այնպիսի իրավիճակ լինել, որը կխանգրի պետության զարգացմանը: Երբ որ վարչապետ Նիկոլ Փաշինյանն ասել էր, որ պետք է ներդաշնակություն ապահովել, դա քաղաքական շահարկումների տեղիք տվեց, իրականում պետք է լինի ներդաշնակություն. դա չի նշանակում, որ ինչ-որ ասվում է, իրար հետ համաձայն ենք, ու վերջ:
Ես գտնում եմ, որ հանրապետության նախագաը պետք է աշխատի իշխանության բոլոր թևերի հետ, ինչպես նաև ոչ իշխանական թևերի՝ կուսակցությունների, ՀԿ-ների, նաև Սփյուռքի կազմակերպությունների հետ»,- պատասխանեց Խաչատուրյանը:
Մանրամասները՝ տեսանյութում:
