18.05.2026 | 22:19
Վրաստանն ու Ադրբեջանը էներգետիկայի և տրանսպորտի ոլորտներում համաձայնագրեր են ստորագրել
ՌԴ գլխավոր դատախազությունը պահանջել է սահմանափակել «Էխո Մոսկվի»-ի և «Դոժդ»-ի գործունեությունը
Քաղաքականություն
01.03.2022 | 22:53
ՌԴ գլխավոր դատախազությունը «Ռոսկոմնադզորից» պահանջել է սահմանափակել «Էխո Մոսկվի»-ի և «Դոժդ» հեռուստաալիքի հասանելիությունը՝ պնդելով, որ դրանք Ռուսաստանում ճանաչվել են որպես օտարերկրյա գործակալներ, գրում է Interfax-ը:
Գլխավոր դատախազության հաղորդագրության մեջ նշվում է, որ պահանջն ուղարկվել է «Էխո Մոսկվի»-ի և «Դոժդ»-ի կայքերում «ծայրահեղական գործունեության, բռնության, ինչպես նաև կանխամտածված կեղծ տեղեկությունների նպատակային և համակարգված տեղադրման կապակցությամբ»: Ըստ դատախազության՝ եթե խախտումները չվերացվեն, լրատվամիջոցներին սպառնում է արգելափակում։
«Էխո Մոսկվի»-ի գլխավոր խմբագիր Ալեքսեյ Վենեդիկտովն ասել է, որ ռադիոկայանը ծանուցումներ չի ստացել գլխավոր դատախազության պնդումների մասին, սակայն վստահ է, որ իրենք օրենքը չեն խախտել։
«Սովորաբար նման ծանուցումներ է ստանում «Էխո Մոսկվի» կայքի գլխավոր խմբագիրը, սակայն մենք ոչինչ չենք ստացել․․․Մենք հավատում ենք, որ ոչինչ չենք խախտել, ոչ մի խախտման հետք չենք տեսնում»,- ասել է Վենեդիկտովը «Ինտերֆաքս»-ին։
