Հասարակություն
01.03.2022 | 19:12Լիսիչանսկ քաղաքում իրավիճակը գնալով ավելի է վատանում, գիշերն ու առավոտյան կրակոցներ շատ են հնչել։ Այս մասին Factor TV-ին հայտնեց Ուկրաինայի Լուգանսկի մարզի հայերի միության նախագահ Սերժ Առուսխանյանը, որն այս պահին Լիսիչանսկում է։
«Ասել են՝ սպասեք վատ վիճակի, եթե հնարավորություն կա՝ դուրս եկեք քաղաքից։ Մեր մարզպետը քաղաքից դուրս գալու համար գնացք է տրամադրել․ այդպես ավելի անվտանգ է, որովհետև մարդկանց ձեռքից մեքենաները վերցնում են, ու չգիտենք՝ ովքեր են»,- մանրամասնեց Առուսխանյանը։
Ըստ հայերի միության նախագահի՝ Չուգուև քաղաքում էլ մեքենայի վրա կրակոցներ են արձակել, զոհեր ու վիրավորներ կան։ Նրա փոխանցմամբ՝ Լիսիչանսկում այսօրվա դրությամբ սննդի ու դեղորայքի պակաս կա։
Մանրամասները՝ տեսանյութում։
Արփի Հակոբյան
