15.09.2026 | 20:13
ԵԼ. Հայտնի են «Արարատ-Արմենիա» – «Սպարտա Պրահա» հանդիպման մրցավարները
ՄԱԿ-ում Լավրովի ելույթի ժամանակ դիվանագետները միասնաբար լքում են դահլիճը․ ՏԵՍԱՆՅՈՒԹ
Քաղաքականություն
01.03.2022 | 16:28
Երեքշաբթի Ժնևում Զինաթափման հարցերով ՄԱԿ-ի կոնֆերանսին Ռուսաստանի արտգործնախարար Սերգեյ Լավրովի` տեսակապով ելույթի ժամանակ եվրոպական և մի շարք այլ երկրների ներկայացուցիչներ լքել են դահլիճը։
Ֆրանսիական պատվիրակության կողմից հրապարակված տեսանյութում երևում է, որ տասնյակ պաշտոնյաներ լքում են դահլիճը՝ մինչ տեսակապով ելույթ է ունենում Լավրովը։
ՄԱԿ-ի Մարդու իրավունքների խորհրդում ելույթի ժամանակ Լավրովը հայտարարել է, որ անձամբ չի մասնակցում ՄԱԿ-ի կոնֆերանսին, իր բնորոշմամբ՝ Ռուսաստանի դեմ «վրդովեցուցիչ» պատժամիջոցների պատճառով։
Հիշեցնենք՝ նախօրեին ռուսական կողմը հայտարարել էր, որ ՌԴ ԱԳ նախարար Սերգեյ Լավրովը չի մեկնելու Ժնև՝ մի շարք եվրոպական երկրների օդային տարածքում նրա ինքնաթիռի թռիչքի արգելքի պատճառով։ ԵՄ դիվանագիտության ղեկավար Ժոզեպ Բորելը, սակայն, հակադարձել էր՝ պատժամիջոցները բացառություններ են անում դիվանագիտական նկատառումներից ելնելով։
«Մենք այնքան հեռու չենք գնացել, որ արգելենք Լավրովի դիվանագիտական ճանապարհորդությունները»,- նշել էր եվրոպացի պաշտոնյան։
Մանրամասները՝ տեսանյութում:
