16.07.2026 | 13:27
Հակակոռուպցիոն 22 հանձնարարականներից Հայաստանը «բավարար չափով» կատարել է միայն 6-ը․ ԳՐԵԿՈ-ն նոր զեկույց է հրապարակել
Քոչարյանը նախագահի պաշտոնում սրբազանի էր առաջարկում, ինչո՞ւ ընթացք չտրվեց. Վարդանյանը մեկնաբանում է․ ՏԵՍԱՆՅՈՒԹ
Քաղաքականություն
01.03.2022 | 12:39
ՀՀ նախկին նախագահ Ռոբերտ Քոչարյանը վերջին ասուլիսի ժամանակ հայտարարեց, որ առաջարկում է երկրի նախագահի պաշտոնում սրբազանի առաջադրել, որը հեղինակություն կունենա: Այսօր խորհրդարանական ճեպազրույցի ժամանակ «Հայաստան» խմբակցության պատգամավոր Աղվան Վարդանյանն անդրադարձավ հարցին, թե ինչու նախկին նախագահի այդ առաջարկին ընթացք չտրվեց, և խմբակցության կողմից նախագահի թեկնածու չառաջադրվեց:
«Խոսքը ոչ թե պարզապես սրբազանի առաջադրելու մասին էր, այլ մեր Սահմանադրությանը համապատասխան անձի կամ անձանց մասին էր: Մեր Սահմանադրությունն ասում է՝ նախագահը պետության գլուխն է, պետք է լինի անաչառ, միմիայն համազգային և համապետական շահերով առաջնորդվող անձ: Երկրորդ նախագահի առաջարկությունն այս համատեքստում էր, որ լինի մեկը, ով այս պառակտված իրավիճակում կկարողանա կամուրջներ գցել, համախմբել և համատեղ ուժերով դիմագրավել առկա ներքին և արտաքին մարտահրավերներին, և այս համատեքստում, այդ անձը կարող է լինել հարգարժան սրբազաններից մեկը: Կարծում եմ՝ համապետական, ազգային շահերով առաջնորդվող, անաչառ սրբազաններ կարողենք գտնել:
Բայց ի՞նչ տեղի ունեցավ. ՔՊ-ական իշխանությունն իրենց ղեկավարի բերանով ասաց՝ մեզ նման առաջնորդ պետք չէ, պետք է լինի մեկը, ով կլինի մեր թիմի մաս ու մեր ասածները հլու-հնազանդ կկատարի… Բնականաբար նրանք քվեարկելու են իրենց թեկնածուի օգտին և նման պարագայում, երբ քաղաքական մեծամասնությունը 70 տոկոս է կազմում, ընդդիմության առաջարկությունը՝ նման արժեքներ ունեցող անձին բերել ԱԺ, և պախարակել նրան, ինչպես իրենք անում են սովորաբար, ուղղակի անթույլատրելի է»,- նշեց Վարդանյանը:
Մանրամասները՝ տեսանյութում:
