06.10.2026 | 19:00
Իրանը կխոչընդոտի «Թրամփի ուղուն», եթե ԱՄՆ-ն պարտադրի ՀՀ-ին՝ միանալ Թեհրանի դեմ պատժամիջոցներին. Արմեն Պետրոսյան․ ՏԵՍԱՆՅՈՒԹ
Պատուհանից նայում ես` բակում կռիվ է. կինոյի սցենար է հիշեցնում. Կիևի բնակիչ․ ՏԵՍԱՆՅՈՒԹ
Քաղաքականություն
28.02.2022 | 14:17
«Կիևի կենտրոնում եմ, իրավիճակն այսօր, երեկվա համեմատությամբ, ավելի հանգիստ է»,- Factor TV-ի հետ զրույցում պատմեց Կիևի բնակիչ Նելլի Ղարիբյանը։
«Խանութներում հերթեր են, այսօր առավոտյան ենք գնացել, մոտ մեկ ժամ հերթում սպասել։ Իրավիճակը լարված է, անընդհատ հնչում են կրակոցներ, բոլորը ապաստարաններ են գնում, օրվա ընթացքում 15 անգամ իջնում-բարձրանում ենք, գիշերներն էլ խորհուրդ են տալիս ապաստարանում քնել»,- մանրամասնեց Նելլին։
Նա տեղեկացրեց, որ պայթյուններից բնակելի շենքներ են վնասվում, շրջակայքում ամեն ինչ վնասվում է, մարդիկ ապահով չեն։
«Նայում ես պատուհանից՝ բակում կռիվ է, պատկերացրեք՝ հիմա ինչ-որ մեկը Մասիվից կամ Ավանից զանգահարի, ասի՝ մեր բակում պատերազմ է։ Կինոյի սցենար է հիշեցնում»,- ընդգծեց Նելլի Ղարիբյանը։
Խոսակցության ընթացքում զրուցակիցս ասաց, որ կրկին տագնապ է, և պետք է նկուղ իջնեն։
Մանրամասները՝ տեսանյութում։
Արփի Հակոբյան
