04.06.2026 | 15:18
ՌԴ ԱԳՆ-ն Հայաստանից ապրանքների ներմուծման սահմանափակումները բացատրել է բուսասանիտարական նորմերով
Շոու եք անում, բայց այդ շոուում պարտվում եք, մարդիկ ասում են՝ դրանց վրա ժամանակ մի վատնեք. Վ. Խաչատրյան․ ՏԵՍԱՆՅՈՒԹ
Քաղաքականություն
28.02.2022 | 12:13
«Նման վիճելի հարցերի քննարկումից առաջ պետք է աշխատանքային քննարկումներ լինեն, հարցն այսպես հում բերել հանձնաժողով, դա վերածվում է շոուի»,- այս մասին ԱԺ Պետաիրավական հարցերի մշտական հանձնաժողովի այսօրվա նիստում «Հայաստան» խմբակցության պատգամավոր Արամ Վարդևանյանի ներկայացրած՝ Ձերբակալվածների և կալանավորված անձանց պահելու մասին նախագծի քննարկման ժամանակ նշեց «Քաղաքացիական պայմանագիր» խմբակցության պատգամավոր Վիգեն Խաչատրյանը:
Դիմելով նախագծի հեղինակին՝ Խաչատրյանը նշեց. «Ի դեմս Ձեզ, հասարակությունը ճանաչում է շատ պատրաստված փաստաբանի, որը փայլուն իր գործը կատարում էր, թեև շատերի սրտով չէր, թե ում եք պաշտպանում, բայց կարծում էին, որ գրագետ եք պաշտպանում, դա փաստաբանի իրավունքն է, բայց փաստաբանական ոճը տեղափոխել օրենսդիր իշխանություն, չի ստացվելու, խանգարելու է Ձեզ»:
Անդրադառնալով ընդդիմադիր գործընկերների գործելաոճին, իշխանական պատգամավորն ընդգծեց. «Ուզում եք շոու անել, բայց այդ շոուում պարտվում եք… Մարդիկ դժգոհում են, ասում են՝ դրանց վրա ժամանակ մի՛ վատնեք, աշխատեք»:
Մանրամասները՝ տեսանյութում:
