16.01.2025 | 15:47
Նախորդ տարի մեզ հաջողվել է կրճատել վթարների թիվը․ Արփինե Սարգայան
ՖԻՖԱ-ն արգելել է ՌԴ օրհներգն ու դրոշն օգտագործել միջազգային խաղերում
27.02.2022 | 23:49
Ռուսաստանի հավաքականի տնային հանդիպումները տեղի կունենան չեզոք տարածքում և առանց հանդիսականների, ինչպես նաև չեն օգտագործվի երկրի դրոշը կամ օրհներգը, հաղորդվում է Ֆուտբոլի միջազգային ֆեդերացիայի (ՖԻՖԱ) հաղորդագրության մեջ:
«Ֆուտբոլի հետ կապված հարցերի լուծման և ՈՒԵՖԱ-ի հետ համակարգման համար ՖԻՖԱ-ի խորհրդի բյուրոն, որի կազմի մեջ մտնում են կազմակերպության նախագահը և Կոնֆեդերացիաների վեց ղեկավարներ, միաձայն որոշել է անհապաղ առաջնային միջոցներ ձեռնարկել Միջազգային օլիմպիական կոմիտեի (ՄՕԿ) հանձնարարականներին համապատասխան, որոնք կկիրառվեն մինչև հետագա ծանուցումը․Ռուսաստանի տարածքում միջազգային մրցումներ չեն անցկացվի, իսկ ազգային հավաքականի խաղերը կանցկացվեն չեզոք տարածքում և առանց հանդիսատեսի, Ռուսաստանը ներկայացնող թիմը ցանկացած մրցաշարի պետք է մասնակցի ոչ թե «Ռուսաստան», այլ «Ռուսաստանի ֆուտբոլային միություն (ՌՖՄ)» անվանումով։ Ռուսաստանի ֆուտբոլային միության թիմերի մասնակցությամբ հանդիպումներում չի օգտագործվի Ռուսաստանի դրոշը կամ հիմնը», – ասվում է ՖԻՖԱ-ի հայտարարությունում։
Հիշեցնենք՝ փետրվարի 24-ին ՌԴ նախագահ Վլադիմիր Պուտինը հայտարարել է Ուկրաինայում հատուկ ռազմական գործողության մասին՝ ի պատասխան Դոնբասի հանրապետությունների ղեկավարների օգնության դիմումի։ Դրանից հետո ԱՄՆ-ը, ԵՄ-ն, Մեծ Բրիտանիան, ինչպես նաև մի շարք այլ երկրներ հայտարարել են, որ պատժամիջոցներ են սահմանում ՌԴ-ի դեմ։
