05.08.2026 | 15:51
Սարգիս Սահակյանից հօգուտ պետության կբռնագանձվի շուրջ 184 միլիոն դրամ և անշարժ գույք. Դատախազություն
Ձյուդոյի միջազգային ֆեդերացիան կասեցրել է Պուտինի պատվավոր նախագահի լիազորությունները
Քաղաքականություն
27.02.2022 | 17:56
Ձյուդոյի միջազգային ֆեդերացիան (IJF) Ռուսաստանի նախագահ Պուտինին հեռացրել է պատվավոր նախագահի պաշտոնից։ Այս մասին տեղեկանում ենք ֆեդերացիայի պաշտոնական կայքից։
«Ուկրաինայում շարունակվող ռազմական հակամարտության լույսի ներքո՝ Ձյուդոյի միջազգային ֆեդերացիան հայտարարում է պարոն Վլադիմիր Պուտինի՝ Ձյուդոյի միջազգային ֆեդերացիայի պատվավոր նախագահի և դեսպանի կարգավիճակը կասեցնելու մասին»,- ասվում է հաղորդագրության մեջ։
IJF-ի պատվավոր նախագահի լիազորությունների վկայականը Պուտինին շնորհվել է 2008թ.:
Ինչպես հայտնում է ՌԴ նախագահի կայքը, նա ձյուդոյով զբաղվում է 11 տարեկանից։ 1975 թվականին ՌԴ առաջնորդը դարձել է Լենինգրադի ձյուդոյի չեմպիոն։
2006 թվականի սեպտեմբերին Պուտինը դարձել է Ձյուդոյի եվրոպական ֆեդերացիայի պատվավոր նախագահը, իսկ 2010 թվականին Հարավային Կորեայի Յոնին համալսարանից ստացել է «ձյուդոյի դոկտոր» պատվավոր դիպլոմ։
2012 թվականի հոկտեմբերին Ձյուդոյի միջազգային ֆեդերացիան Պուտինին շնորհեց ութերորդ դանը. ընդհանուր առմամբ` 10 դան կա ձյուդոյում, սա ցույց է տալիս մարտարվեստում Պուտինի վարպետության մակարդակը:
