29.07.2026 | 09:30
ՀՀ տարածքում ավտոճանապարհներն անցանելի են
ՀՀ նախագահի ընտրության հարցն ԱԺ-ում կքննարկվի մարտի 1-ին
Քաղաքականություն
27.02.2022 | 14:50
Հայաստանի Ազգային ժողովը մարտի 1-ին կգումարի հերթական քառօրյա նիստերը: Օրակարգում ընդգրկված է նաև ՀՀ նախագահի ընտրության հարցը:
Հիշեցնենք՝ նախագահի պաշտոնի համար թեկնածու առաջադրել է միայն իշխող «Քաղաքացիական պայմանագիր» խմբակցությունը: Թեկնածուն ՀՀ բարձր տեխնոլոգիական արդյունաբերության նախարար Վահագն Խաչատուրյանն է: Ընդդիմությունը թեկնածու չի առաջադրել: Մարտի 1-ին իշխանություններին չի հաջողվի առաջին փուլով նախագահ ընտրել, քանի որ անհրաժեշտ է պատգամավորների ընդհանուր թվի ձայների առնվազն երեք քառորդը, այսինքն պահանջվում է 81 ձայն, իշխող «Քաղաքացիական պայմանագիր» խմբակցությունն ունի 71 պատգամավոր: Առաջին փուլով նախագահ չընտրվելու փաստն արձանագրվելուց անմիջապես հետո կմեկնարկի երկրորդ փուլը: Երկրորդ փուլում նախագահ է ընտրվում այն թեկնածուն, որն ստացել է պատգամավորների ընդհանուր թվի ձայների առնվազն երեք հինգերորդը՝ 65 ձայն: Երկրորդ փուլի ձախողման դեպքում Սահմանադրությունը տալիս է երրորդ փուլի հնարավորություն, սակայն, ըստ ամենայնի, դրա անհրաժեշտությունը չի լինի, քանի որ իշխող ուժն արդեն կարող է երկրորդ փուլում ապահովել նախագահի ընտրության անհրաժեշտ քվեները:
Ընդդիմադիր «Պատիվ ունեմ» և «Հայաստան» խմբակցություններն ավելի վաղը Factor.am-ի հետ զրույցում նշել էին, որ թեկնածու առաջադրելուց զատ ընդհանարապես են բոյկոտում նախագահի ընտրության գործընթացը: Նրանք ներկա չեն գտնվի նիստին:
Նարեկ Կիրակոսյան
