05.08.2026 | 15:51
Սարգիս Սահակյանից հօգուտ պետության կբռնագանձվի շուրջ 184 միլիոն դրամ և անշարժ գույք. Դատախազություն
Ռուսաստանի պատվիրակությունը ժամանել է Բելառուս՝ Ուկրաինայի հետ բանակցությունների համար
Քաղաքականություն
27.02.2022 | 11:58
Ռուսաստանի պատվիրակությունը ժամանել է Բելառուս՝ Ուկրաինայի հետ բանակցությունների համար, հայտնել է ՌԴ նախագահի մամուլի քարտուղար Դմիտրի Պեսկովը, գրում է BBC -ի ռուսական ծառայությունը։
Ռուսաստանը պատրաստ է բանակցությունների Գոմելում, հիմա Մոսկվան սպասում է ուկրաինացիներին, ասել է նա։
Պեսկովի խոսքով՝ պատվիրակության կազմում ընդգրկված են ՌԴ ԱԳՆ, պաշտպանության նախարարության և այլ գերատեսչությունների, այդ թվում՝ նախագահի աշխատակազմի ներկայացուցիչներ։
Բելառուսի ԱԳՆ-ն ՌԻԱ Նովոստիի հետ զրույցում ասել է, որ Մինսկը պատրաստել է այն ամենը, ինչ անհրաժեշտ է Գոմելում բանակցությունների համար և զբաղվում է «արձանագրային հարցերի» տրամադրմամբ։
Մինչ այդ, ուկրաինական աղբյուրները հայտնում են ռուսական զորքերի երկու խոշոր տեղաշարժի մասին. մեքենաների շարասյունը Գոստոմելից Բուչայով շարժվում է դեպի Կիևի հյուսիս-արևմտյան ծայրամասեր, իսկ զրահատեխնիկայի ևս մեկ շարասյուն՝ դեպի հյուսիս-արևելյան Սումի շրջկենտրոն։
