16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Փաշինյանն ու Պուտինը հեռախոսազրույց են ունեցել
26.02.2022 | 21:19
ՀՀ վարչապետ Նիկոլ Փաշինյանը և ՌԴ նախագահ Վլադիմիր Պուտինը հեռախոսազրույց են ունեցել։ Այս մասին հայտնում է ТАСС-ը՝ հղում անելով Կրեմլի մամուլի ծառայությանը։
«Շարունակվել է մտքերի փոխանակությունը Հայաստանի, Ադրբեջանի և Ռուսաստանի ղեկավարների՝ Լեռնային Ղարաբաղի վերաբերյալ 2020 թվականի նոյեմբերի 9-ի, 2021 թվականի հունվարի 11-ի և 2021 թվականի նոյեմբերի 26-ի եռակողմ հայտարարություններում ամրագրված պայմանավորվածությունների իրականացման գործնական ասպեկտների շուրջ՝ ներառյալ հայ-ադրբեջանական սահմանին կայունության և անվտանգության ապահովման հարցերը»,- ասված է հաղորդագրության մեջ։
Բացի այդ, առաջնորդների զրույցի ընթացքում շոշափվել են «երկկողմ օրակարգի որոշ արդիական հարցեր»։
