16.01.2025 | 20:13
Մեծ Բրիտանիան և Ուկրաինան 100-ամյա գործընկերության համաձայնագիր են ստորագրել
Խանութ-սրահից մոտ մեկուկես միլիոն դրամի հեռախոսներ էին գողացել
Հասարակություն
26.02.2022 | 14:45
Փետրվարի 24-ին Վայք քաղաքի ՍՊ ընկերություններից մեկի տնօրենը ոստիկանության Վայքի բաժին հաղորդում էր տվել, որ փետրվարի 23-ի ժամը 21.00-ից փետրվարի 24-ի ժամը 09.00-ն ընկած ժամանակահատվածում տեխնիկական միջոցների գործադրմամբ բացել են Շահումյան փողոցի իր խանութ-սրահի դուռը և գողացել տարբեր մոդելների 14 բջջային հեռախոսներ՝ պատճառելով մոտ 1 միլիոն 450 հազար դրամի վնաս. տեղեկացնում են ՀՀ ոստիկանությունից:
Ոստիկանության Վայոց ձորի մարզային վարչության, Վայքի բաժնի և ՊՆ Վայքի ռազմական ոստիկանության ծառայողների համատեղ ձեռնարկած միջոցառումներով պարզվել է, որ գողությունն արել են 18-ամյա երկու երիտասարդներ, որոնցից մեկը՝ Տավուշի մարզի Ազատամուտ գյուղի, մյուսը՝ Երևանի բնակիչ:
Նրանք հայտնաբերվել, բերման են ենթարկվել ոստիկանության Վայքի բաժին և տվել խոստովանական բացատրություն: Գողոնը հայտնաբերվել է:
Երիտասարդները ներկայացվել են նախաքննական մարմնին:
