15.05.2026 | 09:32
Նավթի գներն աճել են
ՎՏԲ-Հայաստան բանկը պատժամիջոցների առնչությամբ հայտարարություն է տարածել
25.02.2022 | 15:25
ՎՏԲ-Հայաստան Բանկն այս պահին շարունակում է տրամադրել հիմնական ֆինանսական ծառայությունները՝ պահպանելով իրացվելիության և կապիտալի բարձր մակարդակ: Կիրառված սահմանափակումները չեն ազդում հաճախորդների միջոցների անվտանգության և հասանելիության վրա, ասված է բանկի տարածած հայտարարության մեջ։
«Բոլոր հաշիվներն ակտիվ են և հաճախորդների միջոցները հասանելի են ինչպես Բանկի մասնաճյուղերում, այնպես էլ հեռահար սպասարկման տարբերակով: Դրանք կարելի է ամբողջությամբ օգտագործել Հայաստանի տարածքում ազգային արժույթով բոլոր գործարքներն իրականացնելու համար։ Բանկը կատարում է հաճախորդների նկատմամբ իր պարտավորությունները:
Կանխիկ միջոցների ստացումը հնարավոր է Հայաստանի ամբողջ տարածքում տեղակայված ցանկացած բանկոմատներից և գործընկեր-բանկերից:
Հաճախորդներին, ովքեր այժմ գտնվում եմ արտերկրում, խորհուրդ է տրվում կանխիկացնել միջոցները կամ վճարել այլ բանկի քարտերով», – նշված է հայտարարության մեջ:
Հիշեցնենք, որ Մեծ Բրիտանիան կոշտ պատժամիջոցներ է սահմանել ՎՏԲ բանկի դեմ։ Պատժամիջոցները ենթադրում են Մեծ Բրիտանիայում ՎՏԲ բանկի ակտիվների ամբողջական սառեցում։
Սաթենիկ Հայրապետյան
