26.08.2026 | 14:43
Խոզանի և բուսական մնացորդների այրումը վտանգում է կենսաբազմազանությունը․ ՇՄՆ
Այսօր Ուկրաինայում անվտանգ տեղ չկա. երեկ ծանր մարտեր էին ընթանում. Դոնեցկի մարզի հայ համայնքի ղեկավար
Քաղաքականություն
25.02.2022 | 12:09
«Մարիուպոլ քաղաքում եմ, գիշերը համեմատաբար հանգիստ է եղել, կրակոցներ չեն եղել, առավոտյան պայթյունի ձայներ ենք լսել, բայց տեղեկություն չունենք՝ որ կողմում է, ինչ է»,- Factor TV-ի հետ զրույցում տեղեկացրեց Ուկրաինայի Դոնեցկի մարզի հայերի միության ղեկավար Վահագն Մաթևոսյանը։
«Երեկվա դրությամբ ծանր մարտեր էին ընթանում։ Հայերի շրջանում զոհ, վիրավոր չունենք, բայց այստեղ խաղաղ բնակչության շրջանում կան վիրավորներ ու զոհեր․ ստույգ թիվ նշել չեմ կարող»,- ասաց Վահագն Մաթևոսյանը։
Նա տեղեկացրեց՝ երեկ ևս մեկ հայ ընտանիք է ցանկություն հայտնել քաղաքից հեռանալու, այսօր զբաղվում են այդ հարցով։ Մաթևոսյանի կարծիքով, այսօր Ուկրաինայում անվտանգ տեղ չկա։
Մանրամասները՝ տեսանյութում։
Արփի Հակոբյան
