26.08.2026 | 14:52
Չեռնիգովում ռուսական հարվածի հետևանքով երկու զոհ կա, այդ թվում՝ 4-ամյա աղջիկ
Ի՞նչ վիճակում է ուկրաինահայ համայնքը․ կորուստների և վիրավորների մասին տեղեկություն չկա․ ՏԵՍԱՆՅՈՒԹ
Քաղաքականություն
24.02.2022 | 20:12
Այսօր լուսադեմին Ուկրաինայում ծավալված ռազմական գործողությունների գոտում բավականին մեծ հայ համայնք կա։ Ուկրաինայում ՀՀ դեսպանությունն առավոտյան հայտարարություն էր տարածել, որում ասվում էր, որ «Ուկրաինայում ՀՀ դեսպանությունը ողջ կազմով աշխատում է և մշտական կապի մեջ է գտնվում ՀՀ քաղաքացիների հետ»։ Ո՛չ դեսպանությունը, ո՛չ ԱԳՆ-ն այս առնչությամբ այլ տեղեկատվություն չեն տարածել։ Ինչ իրավիճակում են Ուկրաինայում բնակվող հայերը․ Factor TV-ն զրուցել է համայնքի ներկայացուցիչների հետ։
Ուկրաինայի Լուգանսկի մարզի հայերի միության նախագահ, այս պահին Լիսիչանսկ քաղաքում բնակվող Սերժ Առուսխանյանի խոսքով՝ քաղաքում կրակոցները շարունակվում են, իրենց առաջարկ արվել է տարհանվելու, սակայն մարդկանց մեծ մասը քաղաքը լքելու ցանկություն չունի։
Ուկրաինայի Դոնեցկի մարզի հայերի միության ղեկավար Վահագն Մաթևոսյանն էլ Factor TV-ի հետ զրույցում նշել է, որ իրենք նախապես պատրաստվել էին։ Այն հայերը, որոնք ցանկացել են, դեռևս 6 օր առաջ տարհանվել են, իսկ ովքեր որոշել են մնալ իրենց տներում, նրանց հետ անընդհատ կապի մեջ են։ Մաթևոսյանը Factor TV-ի միջոցով դիմել է ՀՀ պատկան մարմիններին՝ հարց բարձրացնելով՝ արդյո՞ք որևէ կերպ կօժանդակեն Ուկրաինայում գտնվող հայ համայնքին, եթե ոմանք ցանկություն հայտնեն վերադառնալ հայրենիք։
Սփյուռքի գործերի գլխավոր հանձնակատարի հայրենադարձության գծով պատասխանատու Հովհաննես Ալեքսանյանը Factor TV-ի հետ զրույցում նշեց, որ այս պահի դրությամբ հայ համայնքի շրջանում վիրավորների և զոհերի մասին տեղեկություններ չունեն, համայնքապատկան կառույցները և հայկական եկեղեցիները ևս չեն վնասվել։
Ալեքսանյանի խոսքով՝ Ուկրաինայում և Ռուսաստանի Դաշնությունում ապրող մեր այն հայրենակիցները, որոնց ցանկություն կունենան վերադառնալ Հայաստան, պետք է կապվեն ՀՀ դիվանագիտական ներկայացուցչությունների հետ։
Մանրամասները՝ տեսանյութում։
Ռոզա Վարդանյան
