26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Մարդիկ լքում են քաղաքը, հերթեր են գոյացել․ Ուկրաինայի Դոնեցկի մարզի հայերի միության ղեկավար․ ՏԵՍԱՆՅՈՒԹ
Քաղաքականություն
24.02.2022 | 14:15
«Ուկրաինայի Մարիուպոլ քաղաքում եմ, այստեղ ռմբակոծության, կրակոցների ձայներ են լսվում, մարդկանց մոտ խուճապ է, նրանք լքում են քաղաքը»,- Factor TV-ի հետ զրույցում տեղեկացրեց Ուկրաինայի Դոնեցկի մարզի հայերի միության ղեկավար Վահագն Մաթևոսյանը։
«Մենք նախապես էինք պատրաստվել, մեր հայրենակիցներից ով ցանկացել է, 6 օր առաջ տարհանվել է, իսկ ով որոշել է մնալ իրենց տներում, նրանց հետ անընդհատ կապի մեջ ենք։ Հայերի մեծ մասը գնացել է Դնեպրոպետրովսկ։ Ընդհանուր առմամբ, հոգեբանական լարված վիճակ է, մարդիկ ճնշված են, ներքին վախ ունեն։ Այն մարդկանց, որոնք մեքենա չունեն, բայց ուզում են տարհանվել, մենք տրամադրում ենք մեքենաներ»,- պատմեց Վահագն Մաթևոսյանը։
Հայերի միության ղեկավարն ասաց, որ ռմբակոծել են Մարիուպոլի դպրոցը։
«Նախապես պայմանավորվածություն ենք ունեցել, որ տարհանվածները հավաքվեն հայկական եկեղեցու մոտ, որտեղ նրանց կդիմավորեն հայ համայնքի ներկայացուցիչները, առաջին անհրաժեշտության օգնություն ցույց կտան, որից հետո էլ ամեն մեկը կգնա իր բարեկամի, ծանոթի տուն։ Բայց մի մասն էլ հրաժարվել է թողնել տունը, լքել քաղաքը»,- ընդգծեց Դոնեցկի մարզի հայերի միության ղեկավարը։
Թե մինչև հիմա քանի հայ է լքել Մարիուպոլը, հայտնի չէ։
Մանրամասները՝ տեսանյութում։
Արփի Հակոբյան
