14.01.2026 | 17:08
Քաղաքականության մեջ Եկեղեցու ներգրավված լինելու մեղադրանքը անհիմն է ու անընդունելի․ Մայր Աթոռում ԳՀԽ նիստ է կայացել
Սահմանամերձ համայնքների բնակիչների կոմունալ վճարումների մի մասը կփոխհատուցի կառավարությունը․ ՏԵՍԱՆՅՈՒԹ
Հասարակություն
23.02.2022 | 11:58
ՀՀ սահմանամերձ 5 մարզերի 81 համայնքների կոմունալ ծախսերի փոխհանտուցման համար ՀՀ պետական բյուջեից կհատկցվի 1 մլրդ 155 մլն դրամ։ Որոշումն այսօր ընդունվեց ՀՀ կառավարության նիստում։
«Սահմանամերձ համայնքներին ցուցաբերվելու է պետական աջակցություն՝ բնակիչներին բնական գազի, էլեկտրաէներգիայի, ոռոգման ջրի սակագնի մասնակի ու գույքահարկի և հողի հարկի փոխհատուցում տրամադրելու համար»,- նախագծի ներկայացման ժամանակ ասաց ՀՀ տարածքային կառավարման և ենթակառուցվածքների նախարար Գնել Սանոսյանը։
Նախարարի խոսքով՝ ծրագիրը վերաբերելու է սահմանամերձ բնակավայրերի շուրջ 100 000 բնակիչների։
ՀՀ վարչապետ Նիկոլ Փաշինյանն ընդգծեց, որ ծրագրում ընդգրկվել են նաև 2020 թվականից հետո սահմանամերձ դարձած համայնքները։
«Հիմա հանգամանքների բերումով շահառուների թիվն ընդլայնվել է, և մենք ուղղակի լրացնում ենք, որպեսզի սահմանամերձ համայնքներում բնակվող մեր հայրենակիցներին աջակցենք կոմունալ ծախսերի գծով»,- նշեց վարչապետը։
Մանրամասները՝ տեսանյութում:
