19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Հայաստանի իշխանություններին կոչ եմ անում պաշտպանել և ապահովել խաղաղ հավաքների ազատության իրավունքը. ԵԱՀԿ/ԺՀՄԻԳ-ի տնօրեն
Քաղաքականություն
19.04.2018 | 22:37
ԵԱՀԿ /ԺՀՄԻԳ տնօրեն Ինգիբյոր Սոլրուն Գիսլադոտիրն այսօր կոչ է արել Հայաստանի իշխանություններին՝ պաշտպանել և ապահովել խաղաղ հանրահավաքի ազատության իրավունքը, քանի որ երկրում շարունակվում են բողոքի ցույցերը. փոխանցում է ԵԱՀԿ /ԺՀՄԻԳ-ի պաշտոնական կայքը:
«Մարդիկ հիմնարար իրավունք ունեն արտահայտելու իրենց կարծիքը խաղաղ ցույցերի ժամանակ: Իրավապահ մարմինները պետք է ոչ միայն զերծ մնան խաղաղ հավաքի ազատության իրավունքին միջամտելուց, այլև պատասխանատու են այդ իրավունքի իրացմանն օժանդակելու համար: Դա ենթադրում է մասնակիցների անվտանգության ապահովումը ցանկացած խոոչընդոտի ժամանակ, ինչպես օրինակ՝ սադրանքների կամ հակադիր ցուցարարների գործողությունների», – ասել է նա:
Շեշտելով ընդդիմության հետ երկխոսություն սկսելու Հայաստանի իշխանությունների առաջարկը՝ Գիսլադոտիրը մտահոգություն է հայտնել Երևանում և այլ քաղաքներում հայ ոստիկանների կողմից խաղաղ ցուցարարների նկատմամբ անհամաչափ ուժի կիրառման, ինչպես նաև անկանոն ձերբակալությունների շուրջ: «Իշխանությունները պետք է համոզված լինեն, որ հասարակական կարգուկանոնը պահպանելու համար գործադրվող ցանկացած միջոց օրինական է, անհրաժեշտ և համաչափ և նպատակ չի հետապնդում լռեցնելու հակադիր կարծիքները», – շեշտել է Գիսլադոտիրը:
