29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Կոնֆլիկտը լուծված չէ, Ադրբեջանում հայերի նկատմամբ ատելությունն ավելի է խորացել․ Արման Եղոյան․ ՏԵՍԱՆՅՈՒԹ
Քաղաքականություն
22.02.2022 | 12:31
Երևանում ընթանում են «Եվրանեսթ» ԽՎ հանձնաժողովների նիստերը, որոնց մասնակցում են նաև ադրբեջանական պատվիրակության անդամները։ Հայկական պատվիրակության անդամ Արման Եղոյանը, անդրադառնալով ադրբեջանական կողմից արցախյան խնդրի առնչությամբ պարբերաբար հնչող հայտարարություններին, ասաց․ «Ես չեմ հիշում, թե արդեն քանի անգամ են ադրբեջանցի պատվիրակները կրկնել այն միքտը, որ հակամարտությունը վերջացած է, երևի ուզում են իրենք իրենց համոզել։ Այո՛, իսկապես, հնարավոր չէ հակամարտությունը վերջացնել միայն հայտարարելով այդ մասին և չլուծելով պատճառները։ Խոսելով Լեռնային Ղարաբաղում հակամարտության պատճառների մասին՝ ուզում եմ ասել, որ դրանք դեռ կան, լուծված չեն։ Այդ պատճառները նույնիսկ ավելի են խորացել։ Ադրբեջանում ատելությունը հայերի նկատմամբ, հայկական մշակույթի և հայերի հետ կապված ամեն ինչի նկատմամբ, ավելի ցայտուն է դառնում»։ Եղոյանը հիշեցրեց, որ Արցախում ադրբեջանցիները շարունակում են վերացնել հայկական մշակույթն ու պատմությունը՝ ջնջելով եկեղեցիների գրությունները, դրանք ալբանական ներկայացնելով։
Նա ընդգծեց, որ Ադրբեջանում հայերի կյանքի ու սեփականության իրավունքը ապահովված չէ, առանց որի խաղաղության հասնել հնարավոր չէ։
«Առաջարկում եմ մտածել այս հարցի շուրջ և որոշում կայացնելիս, ընթացիկ իրավիճակի լուծումները փնտրելիս սա հաշվի առնեք», – եզրափակեց Եղոյանը։
