14.01.2025 | 16:07
ՍԱՏՄ ղեկավար Արմեն Դանիելյանի տարեկան ամփոփիչ ասուլիսը՝ ՈՒՂԻՂ
Պուտինը Փաշինյանին ՌԴ է հրավիրել․ երկու երկրների ղեկավարները հեռախոսազրույց են ունեցել
Քաղաքականություն
21.02.2022 | 20:07
ՌԴ նախագահ Վլադիմիր Պուտինը հեռախոսազրույց է ունեցել ՀՀ վարչապետ Նիկոլ Փաշինյանի հետ։ Այս մասին տեղեկանում ենք Կրեմլի կայքից։
«Տեղի է ունեցել մտքերի փոխանակում Լեռնային Ղարաբաղի շուրջ ստեղծված իրավիճակի վերաբերյալ։ Երկուստեք կարևորվել է Ռուսաստանի, Հայաստանի և Ադրբեջանի ղեկավարների միջև 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի պայմանավորվածությունների հետևողական իրականացումը, այդ թվում՝ Հարավային Կովկասում տրանսպորտային և տնտեսական կապերի վերականգնմանն ուղղված միջոցառումները, ինչպես նաև հայ-ադրբեջանական սահմանի սահմանազատման գործընթացի շուտափույթ մեկնարկին ուղղված քայլերը»,- մասնավորապես, ասվում է հաղորդագրությունում։
Անդրադարձ է կատարվել նաև տարածաշրջանում կայունության ամրապնդմանն ու երկարաժամկետ խաղաղության և համագործակցության հաստատմանն առնչվող մի շարք այլ հարցերի։
«Հաշվի առնելով Ռուսաստանի Դաշնության և Հայաստանի Հանրապետության դիվանագիտական հարաբերությունների հաստատման 30-ամյակը, որը նշվելու է այս տարվա ապրիլին, Վլադիմիր Պուտինը Նիկոլ Փաշինյանին հրավիրել է պաշտոնական այց կատարել մեր երկիր։ Հրավերն ընդունվել է»,- ասվում է Կրեմլի հաղորդագրությունում։
