06.06.2026 | 21:21
Եղիշե Մելիքյանը՝ Ղազախստանի հավաքականի հետ ոչ-ոքիի մասին․ ՏԵՍԱՆՅՈՒԹ
Փորձ N2. ո՞ր ուժերն են մասնակցելու Վեդիի արտահերթ ընտրություններին․ ՏԵՍԱՆՅՈՒԹ
Քաղաքականություն
21.02.2022 | 17:38
Արարատի մարզի Վեդի համայնքում համամասնական ընտրակարգով ընտրությունների անցկացման օր է նշանակվել 2022 թվականի մարտի 27-ը: Արտահերթ ընտրություններին կմասնակցի 2 ուժ՝ «Քաղաքացիական պայմանագիր» և «Իմ հզոր համայնք» կուսակցությունները:
ՔՊ ընտրացուցակը ղեկավարում է Արարատի նախկին մարզպետ, Պետական գույքի կառավարման կոմիտեի նախկին նախագահ Գարիկ Սարգսյանը։ Նա մեկ ամիս առաջ էր Նիկոլ Փաշինյանի որոշմամբ նշանակվել Վեդի համայնքի ղեկավարի պաշտոնակատար։ «Իմ հզոր համայնք» կուսակցության ընտրացուցակը գլխավորում է Վեդի խոշորացված համայնքի կազմի մեջ մտած Սիսավան համայնքի նախկին ղեկավար Սպարտակ Թարթիկյանը։
Դեկտեմբերի 5-ին Վեդիում անցկացված ընտրությունների արդյունքներով ոչ մի ուժի չէր հաջողվել բավարար ձայներ հավաքել՝ միայնակ մեծամասնություն ձևավորելու համար, կոալիցիաների վերաբերյալ համաձայնություն ևս ձեռք չէր բերվել։ Տեղական իշխանություն ձևավորելու համար պայքարում էին «Իմ հզոր համայնք», «Քաղաքացիական պայմանագիր» և «Հանրապետություն» կուսակցությունները։
Նշենք նաև, որ առաջիկա ընտրություններին մասնակցության հայտ ներկայացրած քաղաքական ուժերը կարող են ինքնաբացարկի դիմում ներկայացնել մինչև մարտի 17-ը։
Մանրամասները՝ տեսանյութում։
Արփի Հակոբյան
