02.05.2024 | 10:06
ՄԻՊ աշխատակազմի ներկայացուցիչները մեկնել են Ոստիկանության Իջևանի բաժին
Ադրբեջանը հետախուզում է հայտարարել Ռոբերտ Քոչարյանի ու Սերժ Սարգսյանի նկատմամբ
Քաղաքականություն
21.02.2022 | 14:03
ՀՀ 2-րդ ու 3-րդ նախագահներ Ռոբերտ Քոչարյանի ու Սերժ Սարգսյանի նկատմամբ Բաքուն հետախուզում է հայտարարել․ այս մասին ադրբեջանական ԱՊԱ գործակալության հետ զրույցում ասել է Ադրբեջանի զինվորական դատախազության հատուկ քննչական բաժնի ղեկավար, արդարադատության ավագ խորհրդական Էմիլ Տագիևը։
Ըստ պաշտոնյայի՝ նրանք մեղադրվում են ԼՂ-ում 1988թ-ի փետրվարից «ադրբեջանցի և հայ ժողովուրդների միջև ազգային թշնամանք, ատելություն հրահրելու նպատակով հայազգի աշխատավորների հավաքներ կազմակերպելու, 1991 թվականի սեպտեմբերի 2-ին «Լեռնային Ղարաբաղի Հանրապետության» հռչակման, իշխանությունը Ժողովրդական պատգամավորների շրջանային խորհրդին և գործկոմին փոխանցելու մեջ»։
Բացի այդ Տագիևը նաև հայտարարել է, որ «իբր ադրբեջանցիների դեմ կատարված ծանր հանցագործությունների համար 306 հայի նկատմամբ սկսվել է քրեական հետապնդում և նրանց նկատմամբ հետախուզում է հայտարարվել»։
Հիշեցնենք, որ օրերս էլ Ադրբեջանի Գլխավոր դատախազության քննչական բաժնի ղեկավար Նեմաթ Ավազովը «հույս էր հայտնել», որ Արցախի Հանրապետության նախագահ Արայիկ Հարությունյանն առաջիկայում կձերբակալվի ու քննությանը կհանձնվի։
Հավելենք, որ Արցախյան 44-օրյա պատերազմի հետո Ադրբեջանի իշխանությունները Հայաստանի ու Արցախի նախկին ու ներկա տարբեր պատոնյաների նկատմամբ քրեական գործեր են հարուցել, սակայն դրանց որևէ գործնական քայլեր չեն հետևել։
Էմմա Չոբանյան
