20.12.2025 | 11:33
Դեսպան Ղևոնդյանը և Ղազախստանի պաշտպանության նախարարը քննարկել են երկկողմ համագործակցության զարգացումը
Գնացել եմ բունկեր, բայց ոչ մի բանի չեմ խառնվել, իրենք գործել են, ես նայել եմ. Սամվել Բաբայան․ ՏԵՍԱՆՅՈՒԹ
Քաղաքականություն
21.02.2022 | 13:02
Արցախի Հանրապետության անվտանգության խորհրդի նախկին քարտուղար Սամվել Բաբայանը լրագրողներիր հետ զրույցում վստահեցրեց՝ 44-օրյա պատերազմի ժամանակ որևէ միջամտություն չի ունեցել, որևէ կարգադրություն չի արել։
Անդրադառնալով դիտարկմանը, որ ինքը եղել է Արցախի անվտանգության խորհրդի քարտուղար, պատերազմի կառավարողներից մեկը, և հարցին՝ ինչպե՞ս է անաչառ լինելու հանձնաժողովում՝ Բաբայանն ասաց, որ պատերազմի օրերին նամակով դիմել է Արցախի Հանրապետության պաշտպանության բանակին, գրավոր պատասխանել են. «Դուք իրավունք չունեք զբաղվել մեզանով, անգամ հարցնեք բանակի մասին»։
«Ի՞նչ կառավարել, ինչի՞ մասին է խոսքը, ես բունկերում եղել եմ որպես Արցախի նախագահի խորհրդական, նախագահի կողմից գործուղվել եմ, որ երեկոյան զեկուցեմ` ինչէ կատարվում: Ե՛ս ոչ խառնվել եմ, ո՛չ կարգադրություն եմ արել, ո՛չ էլ խոսել եմ: Իրենք գործել են, ես տեսել եմ, զեկուցել եմ իմ վերադասին»,- հայտարարեց Բաբայանը՝ հավելելով, որ 44-օրյա պատերազմի հանգամանքները քննող հանձնաժողովում իր գնահատակաները լինելու են անաչառ ու անկեղծ:
Նա նշեց, թե սուտ են բոլոր պնդումները, որ պատերազմի ժամանակ եղել են մարդիկ, որ ուզել են որևէ բանով օգտակար լինել, սակայն թույլ չեն տվել։
«Սուտ է, ոչ մեկը չկար, որ ուզենար ինչ-որ ծառայություն մատուցի, իրեն արգելել են», – ասաց Արցախի ԱԽ նախկին քարտուղարը՝ վստահեցնելով, որ 44-օրյա պատերազմի հանգամանքներն ուսումնասիորղ քննիչ հանձնաժողովում այդ ամենը կբացահայտվի։
Մանրամասները՝ տեսանյութում:
