07.11.2024 | 09:30
ՀՀ տարածքում ավտոճանապարհներն անցանելի են. Լարսը փակ է բեռնատարների համար
Պուտինը տվել է միջուկային զորավարժությունների մեկնարկը․ ՏԵՍԱՆՅՈՒԹ
Քաղաքականություն
19.02.2022 | 18:33
Ռուսաստանի նախագահ Վլադիմիր Պուտինը տվել է բալիստիկ հրթիռների ներգրավմամբ միջուկային զորավարժությունների մեկնարկը: «ՌԻԱ Նովոստի»-ի փոխանցմամբ՝ այդ մասին հայտնել է նրա մամուլի քարտուղար Դմիտրի Պեսկովը:
Պուտինը Ալեքսանդր Լուկաշենկոյի հետ հետևել է իրավիճակային կենտրոնից բալիստիկ հրթիռների արձակմանը։
ՌԴ ՊՆ-ում նշում են, որ զորավարժությունները պլանային բնույթ են կրում։ Դրանց մասնակցում են օդատիեզերական ուժերի, Հարավային ռազմական օկրուգի, ռազմավարական նշանակության հրթիռային զորքերի, Հյուսիսային և Սևծովյան նավատորմի ուժերն ու միջոցները:
Նշվում է, որ ռազմավարական զսպման ուժերի վարժանքներն անցկացվում են ռազմական կառավարման մարմինների, արձակման մարտական հաշվարկների, մարտական նավերի և ռազմավարական հրթիռակիրների անձնակազմերի պատրաստվածությունը ստուգելու, ինչպես նաև ռազմավարական միջուկային և ոչ միջուկային ուժերի սպառազինության հուսալիությունը ստուգելու համար:
