07.06.2026 | 14:37
Ընտրական գործընթացի ընթացքում ժամը 14:00-ի դրությամբ արձանագրվել է 6 կրկնաքվեարկության դեպք և 5 գաղտնիության խախտում. ՆԳՆ
«Հայտնվեցին կողքս, թե՝ խի՞ ես նկարում ու սկսեցին խփել». լրագրող Տիրայր Մուրադյանն իր հանդեպ ոստիկանական բռնության մասին
Հասարակություն
19.04.2018 | 11:46
Այսօր առավոտյան քաղաքացիական հագուստով ոստիկանների հարձակմանը ենթարկված լրագրող Տիրայր Մուրադյանը քիչ առաջ «Գրիգոր Լուսավորիչ» բժշկական կենտրոնում էր։ Այժմ նա տանն է։
Հարձակումը տեղի է ունեցել Կառավարության 3-րդ շենքի մոտ։ «Գնում գալիս էին տարօրինակ,- հիշում է «Իրազեկ քաղաքացիների միավորում» ՀԿ-ի լրագրողը,- ես ֆիքսեցի նրանց դեմքերը․ իրենք տեսան փորձեցին հեռանալ։ Հետո կորան տարածքից։ Մի 5 րոպե հետո հայտնվեցին կողքս, թե՝ խի՞ ես նկարում։ Ու սկսեցին խփել»։
Բռնությունը լրագրողի հիշելով տևել է մոտ երկու րոպե։ Այս ամենը տեղի է ունեցել տարածքը շրջափակած ոստիկանների աչքի առաջ։ Բժիշկների գնահատմամբ լրագրողն ունի գլխի սալջարդ։ Տիրայր Մուրադյանն ասում է, որ բռնություն գործադրած ոստիկանների լուսանկարները կան, որոնք շուտով կհրապարակվեն։
