14.12.2024 | 19:57
Ինչ իրավիճակ է ճանապարհներին 19։35-ի դրությամբ
Եվրախորհրդարանն իր զեկույցում հաստատում է՝ Մինսկի խումբը ԼՂ հակամարտության կարգավորման միջազգայնորեն ճանաչված միակ ձևաչափն է
Քաղաքականություն
17.02.2022 | 15:00
Եվրախորհրդարանն ընդունել է 2021 թվականի «Ընդհանուր արտաքին և անվտանգային քաղաքականության» զեկույցը, որում անդրադարձ կա նաև Հարավային Կովկասին ու Լեռնային Ղարաբաղի հակամարտությանը։
Մասնավորապես, նշվում է Հարավային Կովկասում ԵՄ-ի և անդամ պետությունների ներգրավվածության մեծացման անհրաժեշտությունը՝ տարածաշրջանի կայունության և բարգավաճման համար, ինչպես նաև հակազդելու տարածաշրջանային տերությունների ազդեցությանն ու միջամտությանը։
Եվրախորհրդարանը նաև կոչ է անում ԵՄ-ին, անդամ պետություններին՝ ակտիվորեն ներգրավվել Լեռնային Ղարաբաղի հարցով Հայաստանի և Ադրբեջանի միջև կայուն կարգավորում գտնելու և տարածաշրջանում լարվածության հետագա սրումը կանխելու համար։
«Հատկապես Ադրբեջանի և Հայաստանի վրա ճնշում գործադրելով՝ լուծել հետպատերազմյան հարցերը, այդ թվում՝ սահմանների դեմարկացիան և մնացած բոլոր ռազմագերիների ազատ արձակումը։ ԵԱՀԿ Մինսկի խումբը մնում է միջազգայնորեն ճանաչված միակ ձևաչափը հակամարտության լուծման համար՝ հիմնված տարածքային ամբողջականության, ուժի չկիրառման, ինքնորոշման ու հավասար իրավունքների և հակամարտությունների խաղաղ լուծման վրա»,- ասվում է զեկույցում։
Եվրախորհրդարանը Մինսկի խմբին կոչ է անում արագ վերադառնալ իր միջնորդական դերին։
Էմմա Չոբանյան
